Salaar in December : ప్రశాంత్ నీల్ దర్శకత్వంలో ప్రభాస్ నటించిన సినిమా ‘సలార్’. ఈ సినిమా రిలీజ్ డేట్ పై మేకర్స్ తర్జన భర్జన అవుతున్నారు. గతంలో సెప్టెంబర్ 28వ తేదీ రిలీజ్ చేస్తామని చెప్పారు. కానీ విరమించుకున్నారు. కారణం ఇంకా వర్క్ పెండింగ్ లో ఉండడమే. ఈ నేపథ్యంలో మరో సారి కొత్త డేట్ పై తర్జన భర్జన జరుగుతోంది.
సలార్ రిలీజ్ డేట్ ను ప్రస్తుతం లాక్ చేశారని తెలుస్తోంది. 2024 సంక్రాంతి బరిలో ఉండవచ్చన్న పుకార్లు వచ్చాయి. కానీ డిసెంబర్ 22వ తేదీ రిలీజ్ కాబోతోందని ఇండస్ట్రీ నుంచి లీకులు వినిపిస్తున్నాయి. ఈ డేట్ కు రిలీజ్ కోసం మేకర్స్ లాక్ చేయించారని వార్తలు వచ్చాయి. ప్రస్తుతం ఈ వార్తలే సోషల్ మీడియాలో వైరల్ గా మారాయి.
డిసెంబర్ లో సలార్ విడుదల తేదీపై హోంబలే ఫిల్మ్స్ నుంచి డిస్ట్రిబ్యూటర్లకు కన్ఫర్మేషన్ వచ్చినట్లు సమాచారం. ఈ విషయాన్ని హోంబలే ఫిల్మ్స్ కూడా ఈ శుక్రవారం అధికారికంగా ప్రకటించనుందని వినికిడి.
క్రిస్మస్ కు సలార్ విడుదలైతే అది బాక్సాఫీస్ వద్ద పెద్ద క్లాష్ అవుతుంది, ఎందుకంటే బాలీవుడ్ సూపర్ స్టార్ షారుక్ ఖాన్ నటించిన ‘డన్కీ’ అదే సమయంలో విడుదలవుతోంది. ఇప్పటికే బ్లాక్ బస్టర్ రేసులో ఉన్న షారుక్, అసాధారణ దర్శకుడు రాజ్ కుమార్ హిరానీ కాంబినేషన్ లో వస్తున్న డన్కీతో సలార్ తో క్లాష్ భారీగా ఉండబోతోంది. మరి సలార్, డంకీ క్లాష్ బాక్సాఫీస్ ను ఎలా షేక్ చేస్తుందో చూడాలి.
