Salaar Collections : తెలుగు సినిమా ‘ఈశ్వర్’తో సినీ ప్రయాణం మొదలుపెట్టినా ప్రభాస్.. ప్రస్తుతం ‘సలార్’గా పాన్ ఇండియన్ లెవల్లో సత్తా చాటుతున్నాడు. బహుబలి ఘన విజయాల తర్వాత సాహో, రాధేశ్యాం, ఆదిపురుష్ వంటి పరాజయాలు వచ్చినా ఆయన క్రేజ్ రవ్వంతైనా తగ్గలేదు. ప్లాప్ గా నిలచినా.. ఒక్కొక్కటి 200కోట్లకు పైగానే వసూలు చేశాయి. ఇక వాటి తర్వాత వచ్చిన ప్రభాస్, ప్రశాంత్ నీల్ కాంబో మూవీ ‘సలార్’ రికార్డుల మోత మోగిస్తోంది. ప్రభాస్ వన్ మేన్ క్రేజ్ తో వచ్చిన ఈ మూవీలో నటించిన శ్రియారెడ్డి, పృథ్వీరాజ్ లకు సైతం మంచి ప్రశంసలు దక్కుతున్నాయి.
విడుదలై 8 రోజులైనా సలార్ బాక్సాఫీస్ దగ్గర దుమ్మురేపుతూనే ఉంది. ప్రపంచవ్యాప్తంగా నిన్నటి వరకు రూ.556.84 కోట్లు వసూలు చేసింది. ఇక రేపు, ఎల్లుండి వరుస సెలవులు ఉండడంతో కలెక్షన్లు భారీగానే రాబట్టే అవకాశం ఉన్నట్టు తెలుస్తోంది.
బాలీవుడ్ పరంగా చూస్తే షారుఖ్ ‘డంకీ’ ఆకట్టుకోకపోవడం, ఇతర ఏ పెద్ద సినిమాలు బరిలో లేకపోవడం కూడా ఉత్తరాదిన సలార్ కలిసివస్తోంది. ఇక తెలుగులోనూ సంక్రాంతి దాక పెద్ద సినిమాలు లేకపోవడంతో సలార్ కలెక్షన్లు పుంజుకునే అవకాశం ఉంది. తెలుగులో డెవిల్, బబుల్ గమ్ వంటి సినిమాలు వచ్చిన అవి సలార్ పై పెద్దగా ప్రభావం చూపే అవకాశం లేదు. దీంతో లాంగ్ రన్ లో సలార్ రూ.1000కోట్లు రాబట్టడం పెద్ద కష్టమేమి కాకపోవచ్చని ట్రేడ్ వర్గాలు చెబుతున్నాయి.
అయితే సినిమా రిలీజై ఇప్పటికే 8 రోజులు దాటుతుండడంతో ఆ మేనియా కాస్త తగ్గే అవకాశం కనపడుతోంది. రిపీట్ ఆడియన్స్ ఏమేరకు వస్తారు.. కొత్త ఆడియన్స్ ఎంత వరకూ చూస్తారనేదే ప్రధానం.