-
మొదటిరోజు వసూళ్లు చూస్తే మైండ్ బ్లాంక్ కావాల్సిందే!
Salaar Movie First Day Collections : రెబల్ స్టార్ ప్రభాస్, ప్రశాంత్ నీల్ కాంబోలో వచ్చిన ‘సలార్’ బాక్సాఫీస్ పై దండయాత్ర చేస్తుంది. సోషల్ మీడియాలో కృత్రిమ హైప్, ఎలాంటి హడావుడి లేకుండా రిలీజైన ఈ మూవీ వరల్డ్ వైడ్ గా ప్రభంజనాన్ని సృష్టిస్తోంది. కేజీఎఫ్ తర్వాత వచ్చిన ఈ పాన్ ఇండియా మూవీకి అన్ని వర్గాల నుంచి బ్రహ్మాండమైన ఆదరణ లభిస్తోంది. ఓవర్సీస్ లో నెల క్రితమే అడ్వాన్స్ బుకింగ్ మొదలైంది. రిలీజ్ డేట్ సమీపిస్తున్న కొద్ది కలెక్షన్లు ఊపందుకున్నాయి. డిసెంబర్ 22వ తేదీన ప్రేక్షకుల ముందుకు వచ్చిన ఈ మూవీ ఓవర్సీస్లో కలెక్షన్ల వర్షాన్ని కురిపించింది.
‘సలార్’ మొదటి రోజే ఓవర్సీస్లో మిలియన్ డాలర్ మార్క్ను సునాయసంగా అధిగమించింది. వరల్డ్ వైడ్ గా ప్రీమియర్ల ద్వారా 2.6 మిలియన్ డాలర్లు వసూలు చేసింది. సలార్ అడ్వాన్స్ బుకింగ్ వివరాల్లోకి వెళ్తే.. నార్త్ అమెరికాలో ప్రీమియర్ ప్రదర్శన ముందు వరకు 750k డాలర్లు, యూకేలో 150K డాలర్స్, గల్ఫ్లో 50K, ఆస్ట్రేలియా, న్యూజిలాండ్లో 100K డాలర్లు, ఇతర దేశాల్లో 100K వసూళ్లతో కలిపి మిలియన్ డాలర్లకుపైగా రూ. 8.8 కోట్లను అడ్వాన్స్ బుకింగ్ రూపంలో రాబట్టింది.
ఇక, ఓవర్సీస్ కలెక్షన్ల విషయానికి వస్తే.. యూఎస్, కెనడాలో 2.6 మిలియన్ డాలర్లు రూ. 21.6 కోట్లు వసూలు చేసింది. యూకే, ఐర్లాండ్ లో 173 ప్రాంతాల్లో రిలీజ్ చేయగా. 165K పౌండ్స్ అంటే రూ. 1.7 కోట్లు, ఆస్ట్రేలియాలో 450K డాలర్లు అంటే రూ. 2.29 కోట్లు, గల్ఫ్ దేశాల్లో రూ. 3.4 కోట్ల వసూలు చేసింది.
ఓవర్సీస్లో ఫస్ట్ డే రికార్డు స్థాయిలో కలెక్షన్లు రాబట్టింది. తాజా సమాచారం అందే వరకు 3.6 మిలియన్ డాలర్లు అంటే రూ. 30 కోట్లకుపైగానే రాబట్టింది. రెండో రోజు కూడా బాక్సాఫీస్ వద్ద స్ట్రాంగ్గా ఉంది. సలార్ ఓవర్సీస్ బిజినెస్, బ్రేక్ ఈవెన్ టార్గెట్ విషయానికి వస్తే.. థియేట్రికల్ రైట్స్ రూ. 75 కోట్ల మేర ప్రీ రిలీజ్ బిజినెస్ జరిగింది. తొలి రోజే రూ. 30 కోట్ల గ్రాస్ వసూలు చేసింది. తొలివారంలోనే రూ. 80 కోట్ల బ్రేక్ ఈవెన్ సాధించే అవకాశాలు కనిపిస్తున్నాయని ట్రేడ్ వర్గాలు చెప్తున్నాయి.