Salaar Movie Cast : ప్రస్తుతం బాలీవుడ్ నుంచి టాలీవుడ్ వరకు ఏ నోట విన్నా ‘సలార్’ పేరే వినిపిస్తుంది. ఫస్ట్ డే బెనిఫిట్ షో నుంచే మూవీ బ్లాక్ బస్టర్ హిట్ అంటూ టాక్ వెళ్లింది. మొదటి రోజు నాలుగు షోలలో (బెనిఫిట్ షో మినహాయించి) టికెట్ల కోసం ప్రభాస్ ఫాన్స్ తో పాటు సినీ అభిమానులు దాడులకు సైతం దిగారంటే ఆ మూవీపై ఉన్న క్రేజ్ ఏంటో తెలుస్తోంది.
బాహుబలి సిరీస్ సూపర్ సక్సెస్ తర్వాత ప్రభాస్ పాన్ ఇండియా స్టార్ గా మారిపోవడంతో బడ్జెట్స్, మార్కెటింగ్, కాస్టింగ్ తో సహా తన సినిమాల డైనమిక్స్ లో మార్పులు వచ్చాయి. క్యాస్టింగ్ పార్ట్ విషయంలో ఆయన తాజా చిత్రం ‘సలార్’ ప్రత్యేకతను సంతరించుకుంది. అందుకే ఇది మరింత ఆకర్షణను క్రియేట్ చేస్తోంది.
ఉదాహరణకు ‘కేజీఎఫ్’ లాంటి సినిమాలు చూస్తే నటీనటుల గురించి బాగా తెలియకపోవడం వల్ల డబ్బింగ్ సినిమా చూసిన ఫీలింగ్ కలుగుతుంది. బాహుబలి తర్వాత ప్రభాస్ గేమ్ మారడంతో దురదృష్టవశాత్తూ ఆయన గత చిత్రాలు సాహో, ఆదిపురుష్ కూడా ఇలాంటి ఫీలింగ్ ను ఇవ్వగా, రాధే శ్యామ్ కొంత వరకు బెటర్ అనిపించుకుంది. కానీ ఇప్పుడు సలార్ లో దర్శకుడు ప్రశాంత్ నీల్ జగపతిబాబు, సప్తగిరి, బ్రహ్మాజీ వంటి సుపరిచిత నటులను చిన్న చిన్న పాత్రలకే నటింపజేయాలని చూశాడు. ఇతర పట్టణాల నుంచి కూడా నటీనటులు నటించినప్పటికీ అది సినిమాకు స్థానికతతో కూడిన అనుభూతిని కలిగించింది.
మరోపక్క పవర్ ఫుల్ రోల్ ద్వారా శ్రియారెడ్డి రీఎంట్రీ ఇవ్వడం, పృథ్వీరాజ్ సుకుమారన్ సెకండ్ లీడ్ రోల్ లో కనిపించడం సలార్ కు మరింత వైబ్ పెంచింది. అన్నింటికీ మించి సలార్ గురించి మంచి విషయం కేవలం ప్రభాస్ మాత్రమే!.
