Prabhas Salaar : పాన్ వరల్డ్ స్టార్ ప్రభాస్, పాన్ ఇండియా డైరెక్టర్ ప్రశాంత్ నీల్ కాంబోలో వస్తున్న సినిమా ‘సలార్’. పృథ్వీరాజ్ సుకుమారన్ ప్రధాన పాత్రలో కనిపిస్తున్నాడు. ఈ మూవీ ఈ నెల 22న క్రిస్మస్ కానుకగా థియేటికల్ రిలీజ్ కానుంది. రిలీజ్ దగ్గర పడుతుంటే మూవీ టీమ్ సర్ ప్రైజ్ లపై సర్ ప్రైజ్ లను ఇస్తూ వెళ్తోంది.
స్నేహం, అబ్బురపరిచే యాక్షన్ సీక్వెన్స్ తో ట్రైలర్ సాగుతుంది. శత్రువులైన ఇద్దరు స్నేహితుల కథతో ‘సలార్’ రెండు పార్టులుగా తెరకెక్కిస్తున్నారు ప్రశాంత్ నీల్. ప్రభాస్ కు జోడీగా శృతిహాసన్ నటిస్తుండగా ప్రతి నాయకుడి పాత్రలో మలయాళ నటుడు పృథ్వీరాజ్ సుకుమారన్ నటిస్తున్నారు. మొదటి పార్ట్ ను ‘సలార్: సీజ్ ఫైర్’ పేరుతో రిలీజ్ చేస్తున్నారు. బాలీవుడ్ స్టార్, డైరెక్టర్ టీనూ ఆనంద్, జగపతి బాబు, ఈశ్వరీ రావు తదితరులు ఇందులో కీలక పాత్ర పోషిస్తున్నారు. కేజీఎఫ్ యూనివర్స్ లోనే సలార్ వస్తుందనే రూమర్స్ పై ప్రశాంత్ నీల్ స్పందించారు. అయితే రెండింటికీ సంబంధం ఉందని చెప్తున్నారు.
అయితే, ఈ మూవీ రిలీజ్ కంటే ముందే రికార్డుల మోత మోగిస్తోంది. ఈ ఏడాది అత్యంత వేగంగా మిలియన్ కు పైగా యూఎస్ఏ ప్రీమియర్స్ ప్రీ సేల్ జరిగిన సినిమాగా ‘సలార్’ నిలిచింది. ఈ విషయాన్ని ధ్రువీకరిస్తూ మూవీ టీమ్ ఒక పోస్టర్ ను సైతం రిలీజ్ చేసింది. ఈ సినిమాపై ప్రేక్షకులలో భారీ అంచనాలు ఉన్నాయి. వరుసగా ఫ్లాప్ లు ఎదుర్కొంటున్న ప్రభాస్ కు ఈ మూవీ భారీ హిట్ ఇచ్చి మరోసారి బాహుబలిని మించి క్రేజ్ సంపాదించి పెడుతుందని ఆయన అభిమానులు అంటున్నారు.