TTA Mega Convention : తెలంగాణ అమెరికన్ తెలుగు అసోసియేషన్ (TTA) నిధుల సేకరణలో భాగంగా నిర్వహిస్తున్న మెగా కన్వెన్షన్ ‘కిక్ ఆఫ్’ ఈవెంట్స్ విజయవంతంగా కొనసాగుతున్నాయి. టీటీఏ అధ్యక్షుడు వంశీ రెడ్డి కంచరకుంట్ల, కన్వీనర్ చంద్రసేన శ్రీరామోజు ఆధ్వరంలో అమెరికాలోని మేజర్ సిటీస్ లో స్థానికంగా ఉండే టీటీఏ Chapters నిర్వహణలో ఈ ఈవెంట్స్ నిర్వహిస్తున్నారు.
ఇందులో భాగంగా ఫిబ్రవరి 24 అట్లాంటాలో అడ్వయిజరీ కౌన్సిల్ సభ్యుడు భరత్ రెడ్డి మాదాడి ఆధ్వర్యంలో నిర్వహించిన కిక్ ఆఫ్ అండ్ నిధుల సేకరణ ఊపు తెచ్చింది. ఇక న్యూ జెర్సీలోని టీటీఏ ఆధ్వర్యంలో మార్చి 2 (శనివారం)న నిర్వహించిన కార్యక్రమం కూడా బిగ్ సక్సెస్ అందుకున్నట్లు తెలుస్తోంది. న్యూ జెర్సీ, ఎడిసన్ లోని అక్బర్ రెస్టారెంట్ లో ‘కిక్ ఆఫ్’ ఈవెంట్ జరిగింది. ఈ సందర్భంగా TTA నాయకులకు ఘనంగా స్వాగతం పలికారు. జ్యోతి ప్రజ్వలనతో కార్యక్రమాన్ని ప్రారంభించారు. చక్కని ప్లాట్ ఫామ్ ని ఏర్పాటు చేసిన వ్యవస్థాపకులు, అధ్యక్షులను సభ్యులు కొనియాడారు.
న్యూజెర్సీ టీటీఏ సభ్యుడు శివారెడ్డి కోల ప్రముఖులకు స్వాగతం పలికారు. ఆ తర్వాత ఆర్కెస్ట్రా, తదితర సంస్కృతిక కార్యక్రమాలు నిర్వహించారు. ఈ కార్యక్రమం ఆసాంతం ఆనందంగా ఉత్సాహంగా సాగింది. కిక్ ఆఫ్ సక్సెస్ కు కృషి చేసిన టీటీఏ సభ్యులకు శివారెడ్డి కోల ధన్యవాదాలు తెలిపారు. అనంతరం పలువురు డొనేషన్స్ ప్రకటించగా.. దాతలను వేదికపై సన్మానించారు. అనంతరం వందన సమర్పణతో న్యూజెర్సీ కిక్ ఆఫ్ ఈవెంట్ ముగిసింది.
Photos courtesy of Dr. Sivakumar Anand
 నిధుల సేకరణలో భాగంగా నిర్వహిస్తున్న..){kind=link}