Woman MP : నిజామాబాద్ లోక్ సభ నియోజకవర్గానికి ఇప్పటి వరకు 17 సార్లు ఎన్నకలు జరిగినా ఒక్కసారే మహిళ ఎంపీ అయ్యారు. 1952 నుంచి 2019 వరకు జరిగిన ఎన్నికల్లో 1967లో మాత్రమే స్వతంత్ర అభ్యర్థి విజయం సాధించారు. 11 సార్లు కాంగ్రెస్ పార్టీ గెలుపొందగా, 3 సార్లు టిడిపి, ఒక్కసారి టిఆర్ఎస్, బిజెపి లు విజయం సాధించాయి. టిఆర్ఎస్ అభ్యర్థి కవిత 2014లో ఎన్నికయ్యారు.
నిజామాబాద్ లోక్ సభ నియోజకవర్గంలో 7 శాసన సభ నియోజకవర్గాలు ఉన్నాయి. నియోజకవర్గాల పునర్వ్యవస్థీకరణ ఫలితంగా నిజామాబాద్ లోక్ సభ నియోజక వర్గ స్వరూపం మారిపోయింది. నిజామాబాద్ జిల్లాలో 9 శాసనసభ స్థానాలు ఉండగా 4 స్థానాలు కొత్తగా ఏర్పడిన జహీరాబాద్ లోక్ సభ నియోజకవర్గంలోకి వెళ్లాయి. కరీంనగర్ జిల్లాకు చెందిన కోరుట్ల, జగిత్యాల అసెంబ్లీ స్థానాలు ఈ లోక్ సభ నియోజకవర్గంలో కలిశాయి. అయితే ఒక్క అసెంబ్లీ స్థానం కూడా ఇంతవరకు రిజర్వుడు కిందికి రాలేదు.
