Pavan Kalyan Birthday Celebrations at Times Square New York : ఆంధ్ర రాష్ట్ర భవిష్యత్ కు సరైన దిక్సూచి.. ప్రజానాయకుడు.. జనసేనాని పవన్ కళ్యాణ్ పుట్టినరోజు వేడుకలు న్యూయార్క్ లోని టైంస్క్వేర్లో నందు ఘనంగా జరిగాయి. ఈ కార్యక్రమంలో భాగంగా పవన్ కల్యాణ్ కు సంబంధించిన 150 అడుగుల ఎత్తు 100 అడుగుల వెడల్పుతో జనాసేనాని చిత్రమాలిక ప్రదర్శించారు.
సెప్టెంబర్ 1న Red Stairs Time Square, 200 W 47th St, New York, NY 10036 నందు సాయంత్రం 9గంటల నుంచి సెప్టెంబర్ 2 అర్ధరాత్రి వరకు ప్రతీ 10 నిమిషాలకు ఒకసారి 15 సెకెన్ల పాటు జనసేన పార్టీ అధ్యక్షులు పవన్ కళ్యాణ్ గారి చిత్రమాలికను Team Janasena Party, USA ఆధ్వర్యంలో నిర్వహించారు. జై స్వరాజ్య టీవీ & JSW TV గ్లోబల్ డైరెక్టర్ డాక్టర్ శివ కుమార్ ఆనంద్ గౌరవ ఆహ్వానితులుగా ఈ వేడుకల్లో పాల్గొన్నారు.
ఈ వేడుకల్లో భాగంగా Time Square నందు కేక్ కటింగ్ కార్యక్రమాన్ని అమెరికాలోని జనసేన పార్టీ ప్రతినిధులు నిర్వహించారు. ఈ కార్యక్రమంలోని జన సైనికులు.. మెగా అభిమానులు అధిక సంఖ్యలో పాల్గొని పవన్ కల్యాణ్ కు పుట్టిన రోజు శుభాకాంక్షలు తెలియజేశారు.