Jawan 50 days : ఇప్పుడు ఎంత పెద్ద సినిమాలు అయినా ఏ స్టార్ హీరో సినిమా అయినా థియేటర్స్ లో నెల రోజులు ఉండడమే గొప్ప విషయం.. నెల రోజుల మించి సినిమాలు ఉన్న దాఖలాలు ఈ మధ్య కనిపించడం లేదు.. నెల కాగానే క్లోజ్ చెయ్యడం వాటిని ఓటిటిలో రిలీజ్ చెయ్యడం కామన్ గా జరుగుతున్న విషయం..
అయితే ఒకపుడు సినిమాలు అలా కాదు.. థియేటర్స్ లోనే 50 రోజులు, 100 రోజులు పూర్తి చేసుకుని అర్ధ శత దినోత్సవం, శత దినోత్సవం పూర్తి చేసుకునేవి.. ఇక ఇప్పుడు సక్సెస్ అయితే వారానికే ఒక సక్సెస్ మీట్ పెట్టడం జరుగుతుంది. నెల లోపులోనే ఓటిటిలో కూడా వచ్చేస్తుంది..
అయితే జవాన్ మాత్రం ఏకంగా థియేటర్స్ లో 50 రోజుల రన్ పూర్తి చేసుకుంది.. బాలీవుడ్ స్టార్ హీరో షారుఖ్ ఖాన్ హీరోగా కోలీవుడ్ డైరెక్టర్ అట్లీ దర్శకత్వంలో తెరకెక్కిన లేటెస్ట్ మోస్ట్ ఏవైటెడ్ మూవీ ”జవాన్”.. సెప్టెంబర్ 7న వరల్డ్ వైడ్ గా జవాన్ సినిమా రిలీజ్ అవ్వగా ఈ సినిమా బ్లాక్ బస్టర్ విజయం సాధించింది.
ఏకంగా 1000 కోట్ల క్లబ్ లో చేరి షారుఖ్ రికార్డ్ క్రియేట్ చేసాడు.. మరి ఈ సినిమా ఇప్పటికే ఎన్నో రికార్డులను చెరిపేయగా ఇప్పుడు మరో రికార్డును తన ఖాతాలో వేసుకుంది. ఈ సినిమా థియేటర్ లో 50 రోజులు పూర్తి చేసుకుని కొత్త రికార్డ్ నమోదు చేసింది. ఇప్పుడున్న పరిస్థితుల్లో ఒక సినిమా థియేటర్ లో 50 రోజులు పూర్తి చేయడం గ్రేట్ అనే చెప్పాలి.
