Anu Emmanuel comments : ఇప్పుడు సినిమా ఇండస్ట్రీలో కాస్టింగ్ కౌచ్ అనేది పెద్ద మహమ్మారిలాగా మారిపోయింది. దాని బారిన పడి చాలామంది కొట్టుకుపోతున్నారు. ఇంకొంతమంది తమ జీవితాలను నాశనం చేసుకుంటున్నారు. కొందరేమో ఎంచక్కా కమిట్ మెంట్లు ఇచ్చేసి మరీ అవకాశాలు పడుతున్నారు. కొందరు మాత్రం దాన్ని ఎదురించి మరీ అవకాశాలు పడుతున్నారు.
ఇక మీటూ ఉద్యమం తర్వాత చాలా మంది దానిపై మాట్లాడుతున్నారు. తాజాగా అను ఇమ్మాన్యుయెల్ కూడా దానిపై స్పందించింది. ఆమె గురించి ప్రత్యేకంగా పరిచయం చేయాల్సిన అవసరం లేదు. ఆమె గతంలో మజ్ను సినిమాతో తెలుగులోకి ఎంట్రీ ఇచ్చింది. ఆ మూవీతర్వాత కూడా చాలా సినిమాలు చేసింది. పెద్ద హీరోల సినిమాల్లో సెకండ్ హీరోయిన్ గా కూడా చేసింది.
అయితే తాజాగా ఆమె ఓ ఇంటర్వ్యూలో పాల్గొంది. ఇందులో ఆమె మాట్లాడుతూ షాకింగ్ కామెంట్లు చేసింది. తాను కూడాకాస్టింగ్ కౌచ్ బాధితురాలినే అంటూ ఎమోషనల్ అయింది. నేను సినిమాల కోసం ప్రయత్నిస్తున్నప్పుడు తమిళంలో ఓ దర్శకుడు నన్ను ఆడిషన్ కోసం పిలిచాడు. అయితే ఆడిషన్ లేకపోయినా కూడా తనతో గడిపితే అవకాశం ఇస్తానన్నాడు.
కానీ నేను దానికి అస్సలు ఒప్పుకోలేదు. అక్కడి నుంచి బయటకు వచ్చేశాను. అప్పటి నుంచి నా ప్రయత్నాల్లో నేను సక్సెస్ అవుతున్నాను అంటూ చెప్పుకొచ్చింది ఈ బ్యూటీ. ప్రస్తుతం ఆమెకు తెలుగులో పెద్దగా అవకాశాలు రావట్లేదు. దాంతో తమిళంలో ఛాన్సుల కోసం ప్రయత్నాలు చేస్తోంది ఈ వయ్యారి భామ. ఇక తాజాగా ఆమె చేసిన కామెంట్లువైరల్ అవుతున్నాయి.
