Ayyappa Irumudi Pooja : భారత్ లోనే కాదు.. అమెరికాలోనూ మన సంస్కృతి సంప్రదాయాలు ఇనుమడిస్తున్నాయి. దేశంలో అయ్యప్ప స్వాములు ఈ శీతాకాలంలో కఠిన ఉపవాస దీక్షలు చేపడుతారు. ఇక్కడే కాదు.. అమెరికాలోనూ మన భారతీయులు ఈ సంస్కృతిని కొనసాగిస్తున్నారు. అయ్యప్ప స్వామిని భక్తితో కొలుస్తున్నారు.
అగ్రరాజ్యం అమెరికాలో అయ్యప్ప ఇరుముడి పూజలు ఘనంగా జరిగాయి.. న్యూజెర్సీలోనూ ఈ సంబరాలు అంబరాన్నంటాయి.. న్యూజెర్సీలోని Morganville Cityలో గల గురువాయూరప్పన్ దేవాలయంలో ఈ అయ్యప్ప ఇరుముడి పూజా కార్యక్రమాలను తెలుగువారు భక్తిశ్రద్ధలతో నిర్వహించారు.
ఈ కార్యక్రమంలో యూబ్లడ్ ఫౌండర్ జై, డాక్టర్ జగదీష్ బాబు యలమంచిలి గారు పాల్గొన్నారు. ఆయన సైతం అయ్యప్ప స్వామి మాలధారణ గావించారు. భక్తిశ్రద్ధలతో ఇరుముడి, అయ్యప్ప పూజలు చేశారు.
స్వాములంతా ఈ కార్యక్రమంలో ఎంతో శ్రద్ధతో అంత: కరణ శుద్ధితో పూజలు చేశారు. శాంతి కోసం పూజలు చేశారు. బియ్యంపై కొబ్బరికాయలు పెట్టి వాటిపై నూనె పోసి పూజలు చేశారు.
ఈ కార్యక్రమంలో డాక్టర్ జైతోపాటు పెద్ద సంఖ్యలో అయ్యప్ప మాల స్వీకరించిన భక్తులు పాల్గొన్నారు. అయ్యప్పకు ఇరుముడి పూజలు చేశారు.
All Images Courtesy By Dr. Shiva Kumar Anand