Gunneru Flower : చెట్లు పర్యావరణానికి మెట్లు. చెట్టు పెంచితే మన వాతావరణం కలుషితం కాకుండా కాపాడతాయి. చెట్లలో అంతటి మహత్తర శక్తి ఉంటుంది. అందుకే వాటి సంరక్షణకు ప్రభుత్వం కూడా నడుం బిగించింది. అడవుల విస్తీర్ణం పెంచి పర్యావరణ పరిరక్షణ చేయాలని భావించింది. ఇందులో భాగంగానే మొక్కల పెంపకం కోసం హరిత హారం అనే కార్యక్రమాన్ని చేపట్టింది. ఉద్యమంలా ముందుకు తీసుకెళ్లింది. ప్రతి ఒక్కరు చెట్లు నాటాలని చాటింది. ఫలితంగా రాష్ట్రంలో పచ్చదనం పరిఢవిల్లుతోంది.
మనం హైవే మీద ప్రయాణిస్తున్నప్పుడు మనకు రోడ్డు మధ్యలో పక్కలో గన్నేరు మొక్కలను చూస్తుంటాం. ఇవి చూడముచ్చటగా అందంగా కనిపిస్తాయి. కానీ రోడ్ల మీద ఈ మొక్కలనే ఎందుకు పెంచుతారనే ఆలోచన మీకు ఎప్పుడైనా వచ్చిందా? అందులో ఉన్న మర్మమేమిటో తెలుసుకోవాలని అనిపించా? అయితే ఓ లుక్కేద్దాం రండి.
గన్నేరు మొక్కలు రద్దీగా ఉండే హైవేపై అందంగా కనిపిస్తాయి. ఇందులో దాగున్న రహస్యం ఏంటంటే ఇవి గాలిలోని విషపూరితమైన వ్యర్థాలను స్వచ్ఛమైన ఆక్సిజన్ గా మారుస్తాయి. దట్టమైన ఆకులు కలిగి ఉండటం వల్ల గాలి నుంచి కార్బన్ డై ఆక్సైడ్ ను సులభంగా గ్రహిస్తుంది. గన్నేరు మొక్కకు నీరు కూడా ఎక్కువ అవసరం ఉండదు. ఎక్కడ పడితే అక్కడ పెరుగుతుంటుంది.
గన్నేరు మొక్క నేల కోత, శబ్ధ కాలుష్యాన్ని నియంత్రించడంలో ప్రధాన పాత్ర పోషిస్తుంది. ఎదురుగా వచ్చే వాహనం హెడ్ లైట్ వెలుతురు ఇతర వాహనాల మీద పడకుండా చేసతుంది. ఇంకా దీని ఆకులు మేకలు, ఇతర జంతువులు తినవు. హైవేల మీద అందం కోసమే కాకుండా ఇలాంటి కారణాల రీత్యా వీటిని ఎక్కువగా పెంచుతుంటారు. చూడటానికి అందంగా కూడా కనిపిస్తాయి.
