‘Jawaan’ BO Report :
బాలీవుడ్ బాద్షా షారుఖ్ నటించిన ‘జవాన్’ బాక్సాఫీస్ వద్ద జైత్రయాత్ర మొదలుపెట్టింది. ఈ సినిమా తొలి షో నుంచే పాజిటివ్ టాక్ తో దూసుకెళుతూ కలెక్షన్లు సునామీ సృష్టించేందుకు రెడీ అవుతోంది. షారుఖ్ గత చిత్రం ‘పఠాన్’ ను ‘జవాన్’ మూవీ బీట్ చేసే అవకాశాలు ఎక్కువగా ఉన్నాయని ట్రేడ్ వర్గాలు అంచనా వేస్తున్నాయి.
‘జవాన్’ మూవీని హిందీలో పెన్ ఎంటర్‌టైన్‌మెంట్.. తమిళంలో రెడ్ జెయింట్ మూవీస్.. తెలుగులో శ్రీ వెంకటేశ్వర క్రియేషన్స్.. కేరళలో శ్రీ గోకులం మూవీస్.. పశ్చిమ బెంగాల్‌లో ఎస్‌వీఎస్.. ఓవర్సీస్లో యష్ రాజ్ ఫిల్మ్ సంస్థలు రిలీజ్ చేశాయి. ఈ మూవీకి కొన్నిచోట్ల అవుట్ రైట్‌ హక్కులు తీసుకోగా.. మరికొన్ని చోట్ల కమిషన్ బేస్ మీద రిలీజ్ చేశారు.
ఈ సినిమా హిందీ థియేట్రికల్ రైట్స్ 110 కోట్లు కాగా.. తెలుగు.. తమిళ.. ఓవర్సీస్ రైట్స్ మొత్తం కలిపి సుమారు 190 కోట్ల మేర బిజినెస్ జరిగింది. దీంతో ఈ సినిమా బ్రేక్ ఈవెన్ 320 కోట్ల రూపాయలుగా లెక్కగట్టారు. ‘జవాన్’ ఇండియాలో 5వేల స్క్రీన్లలో.. ఓవర్సీస్లో 5వేల స్క్రీన్లలో రిలీజ్ చేశారు. ఇక ఈ సినిమాకు అడ్వాన్స్ బుకింగ్ సైతం భారీగా జరిగింది.
జవాన్ సినిమా తొలిరోజు ఓవర్సీస్లో ఐదు మిలియన్ డాలర్లు అంటే 40 కోట్లకు పైగానే వసూలు చేసింది. ఇండియాలో హిందీ వెర్షన్‌కు 70 కోట్లు.. తెలుగు మరియు తమిళంలో కలిపి రూ. 10 కోట్ల గ్రాస్ వచ్చింది. మిగితా రాష్ట్రాల్లో రూ. 5 కోట్ల గ్రాస్ వచ్చినట్లు సమాచారం.
