USA Box Office : గత వారాంతం (2023 లాస్ట్)లో రిలీజైన ‘డెవిల్’, ‘బబుల్గమ్’ సలార్ బాక్సాఫస్ అవకాశాలను ఏ మాత్రం తగ్గించలేకపోయాయి. ఓవర్సీస్ లో సలార్ ప్రభంజనం తగ్గేందుకు మరికొంత కాలం పడుతుందని మూవీ అనలిస్ట్ లు, ట్రేడ్ వర్గాలు పేర్కొంటున్నారు. ప్రభాస్ సినిమాను బీట్ చేయాలంటే మళ్లీ ప్రభాస్ మూవీనే రావాలని ఆయన ఫ్యాన్స్ చెప్తున్నారు.
అయితే ప్రభాస్ నటించిన ఈ సలార్ గత వారంతలో సుమారు 700000 డాలర్ల అదనపు మొత్తాన్ని వసూలు చేసింది. ఇది దాని మొత్తం వసూళ్లకు దోహదం చేసింది. సలార్ ప్రస్తుతం 8.2 మిలియన్ డాలర్లు వసూలు చేసింది. దాని థియేట్రికల్ రన్ ముగిసే నాటికి మొత్తం 9 మిలియన్ డాలర్లవరకు సాధిస్తుందని ట్రేడ్ వర్గాలు చెప్తున్నాయి.
పఠాన్, జవాన్, యానిమల్, రాకీ ఔర్ రాణి తర్వాత 2023లో ఉత్తర అమెరికాలో భారతీయ సినిమాల్లో ఈ చిత్రం నాలుగు అత్యధిక వసూళ్లను సాధించిన చిత్రంగా నిలిచింది. కళ్యాణ్ రామ్ గత చిత్రం ‘అమిగోస్’ యూఎస్ఏ బాక్సాఫీస్ వద్ద డిజాస్టర్ గా నిలిచింది. ‘డెవిల్’ కూడా మొదటి వీకెండ్ లో డీసెంట్ వసూళ్లను రాబట్టలేకపోయింది.
కొత్త దర్శకుడితో రోషన్ కనకాల నటించిన ‘బబుల్గమ్’ మూవీ కూడా బాక్సీఫీస్ వద్ద పరాజయం సాధించాయి. ఇక షారూక్ ఖాన్ నటించిన ‘డుంకీ’ యూఎస్ఏ బాక్సాఫీస్ వద్ద మంచి రన్ కలిగి ఉంది. గత వారాంతంలో ‘సలార్’ కంటే ఎక్కువ కలెక్షన్లను సైతం రాబట్ట గలిగింది. ఏది ఏమైనా ప్రస్తుతం సలార్ ను ఢీ కొనే సినిమా రావాలంటే కొంత టైం పడుతుందని బాలీవుడ్ లో సైతం టాక్ నడుస్తోంది.
