Chandramukhi-2 Collections :
మొన్న వీకెండ్ కు బాక్సాఫీస్ బరిలో నిలిచిన సినిమాల్లో చంద్రముఖి 2 ఒకటి.. చంద్రముఖి సినిమా పార్ట్ 1 ను ఇప్పటికి ఎవరు మర్చిపోలేదు.. దాదాపు రెండు దశాబ్దాలు కావొస్తున్నా కూడా ఈ సినిమాపై ఎలాంటి క్రేజ్ తగ్గలేదు.. కోలీవుడ్ సూపర్ స్టార్ రజనీకాంత్ హీరోగా జ్యోతిక, నయనతార, ప్రభు ప్రధాన పాత్రల్లో నటించిన చంద్రముఖి అప్పట్లో సెన్సేషన్ క్రియేట్ చేసింది అనే చెప్పాలి..
2005లో రిలీజ్ అయిన ఈ సినిమాను పి వాసు డైరెక్ట్ చేయగా బ్లాక్ బస్టర్ అందుకుంది. ఇక ఈ సినిమా వచ్చిన 18 ఏళ్ల తర్వాత సీక్వెల్ తెరకెక్కింది. రాఘవ లారెన్స్ హీరోగా బాలీవుడ్ క్వీన్ కంగనా రనౌత్ హీరోయిన్ గా నటించగా.. లైకా ప్రొడక్షన్స్ భారీ స్థాయిలో పాన్ ఇండియన్ మూవీగా నిర్మించారు.. మరి ఈ సినిమా సెప్టెంబర్ 28న గ్రాండ్ గా రిలీజ్ అయ్యింది.
దాదాపు 50 కోట్ల బిజినెస్ జరుపుకున్న ఈ సినిమా ప్రపంచ వ్యాప్తంగా 2000 స్క్రీన్ లకు పైగానే విడుదల అయ్యింది. రిలీజ్ రోజే మిక్స్డ్ టాక్ తెచ్చుకున్న ఈ సినిమా చంద్రముఖి సినిమాలో ఉన్నంత కంటెంట్ లేదు అనే అభిప్రాయం ప్రేక్షకుల మదిలో ఉంది.. లాంగ్ వీకెండ్ లో కాస్త కలెక్షన్స్ రాబట్టింది కానీ వీక్ డేస్ లో మొత్తం డల్ అయ్యిందని తెలుస్తుంది.
మరి ఈ సినిమా ప్రపంచ వ్యాప్తంగా ఎన్ని కోట్లు రాబట్టిందంటే.. ఇప్పటి వరకు 6 రోజుల్లో ఈ సినిమా తెలుగు, తమిళ్, హిందీ భాషల్లో మొత్తం 31 కోట్ల నికర వసూళ్లు రాబట్టింది. ఇక ప్రపంచ వ్యాప్తంగా 6 రోజుల్లో 46 కోట్లకు పైగానే రాబట్టింది. ఇక ఈ సినిమా బ్రేక్ ఈవెన్ టార్గెట్ ఫినిష్ చేయాలంటే కనీసం 40 కోట్ల షేర్, 80 కోట్ల గ్రాస్ వసూళ్లను నమోదు చేయాల్సి ఉంటుంది అని టాక్.. ఇప్పటి వరకు 50 కోట్ల గ్రాస్ వసూళ్లను రాబట్టిన ఈ మూవీ రానున్న రోజుల్లో ఎంత రాబట్టిందో చూడాలి..
