NAZRANA : సమస్తంను పరవశింపజేసే శక్తి ఒక్క సంగీతానికి మాత్రమే ఉందన్నది కాదనలేని నిజం. సంగీతానికి జీవకోటితో పాటు ప్రకృతి కూడా స్పందిస్తుంది. సంగీతానికి పరవశించని వాడు ఇప్పటి వరకు లేడు. అది మంచి కావచ్చు.. చెడు కావచ్చు ఏదైనా సరే.. వీనుల విందైన సంగీతంతో మాత్రం ఎలాంటి జీవి, మనిషిలోనైనా చలనం రాక మానదు. ఇవన్నీ పక్కన పెడితే..
హైదరాబాద్ ఆర్ట్స్ అండ్ కల్చరల్ అసోసియేషన్ ఆధ్వర్యంలో ‘గజల్ అండ్ సూఫీ నైట్’ ను అత్యంత వైభవంగా నిర్వహించారు. రవీంద్ర భారతిలోని ఆడిటోరియంలో ‘నజరానా’ పేరుతో సాగిన మ్యూజికల్ నైట్ ప్రతి ఒక్కరిని అలరించింది. ఈ కార్యక్రమంలో ఇంటర్నేషనల్ ఫేమస్ ఆర్టిస్టులు జావేద్ హుస్సేన్ అండ్ పూర్వ గురు పాల్గొని తమ పాటలను వినిపించారు. సంగీతం హరిజిత్ సింగ్ టీమ్ అందించింది. ఈ నజరానాను జిమరిస్ బ్యాంక్విట్ హాల్ వీఎన్ కాలనీ హైదరాబాద్ వారు సమర్పించారు.
మధ్యప్రదేశ్‌లోని భోపాల్‌కు చెందిన పూర్వ గురు తన తండ్రి దివంగత నరేంద్ర గురు, ఉస్తాద్ సర్వత్ హుస్సేన్, పండిట్ సజ్జన్ లాల్ భట్ మార్గ దర్శకత్వంలో గజల్స్ పాడడం ప్రారంభించారు. పూర్వ వృత్తిరీత్యా గజల్ గాయని కానీ లైట్ క్లాసికల్, గీత్, భజన్ మరియు ఓల్డ్ ఫిల్మీ సాంగ్స్ వంటి పాటలు పాడడంలో కూడా రాణించారు.
జావేద్ సింగర్ కూడా మంచి సింగర్. గజల్, సూఫీ, కవాలీతో పాటు బాలీవుడ్ సాంగ్స్ పాడరు. ఆయన సంగీత కుటుంబానికి చెందిన వారు. ఆయన తాత దివంగత అఫ్జల్ హుస్సేన్ ఆయన తుమ్రి-దద్రా సింగర్, ఆయన తండ్రి, మామ గజల్ సింగర్లు. ఆలిండియా రేడియో, దూరదర్శన్ లో కూడా ఆయన పని చేశారు.
