Fahadh Faasil : ‘పుష్ప’ సినిమాతో మలయాళ నటుడు ఫహాద్ ఫాజిల్ తెలుగు ఇండస్ట్రీకి పరిచయమయ్యాడు. పుష్పలో ఎస్పీ భన్వర్ సింగ్ షెకావత్ పాత్రలో అదరగొట్టేశాడు. ఈ సినిమాకు ముందే ఆయన మలయాళ చిత్రసీమలో స్టార్ యాక్టర్ గా ఉన్నారు. పుష్పతో ఫహాద్ ఫాజిల్ రేంజ్ పాన్ ఇండియా స్థాయిలో చేరింది.
అయితే, ఓ ఇంటర్వ్యూలో పాల్గొన్న ఫహాద్ ఫాజిల్ కు ఒక ప్రశ్న ఎదురైంది. పుష్ప సినిమా తర్వాత పాన్ ఇండియా నటుడిగా మారారని కాంప్లిమెంట్స్ వస్తున్నాయి కదా.. దీనిపై మీ అభిప్రాయం ఏమిటి అంటూ యాంకర్ అడిగిన ప్రశ్నకు ఆయన సమాధానం ఇలా ఉంది.
‘‘పుష్న సినిమా నాకెరీర్ కు పెద్దగా ఉపయోగపడలేదు. ఆ చిత్రం వల్ల నేను ఎలాంటి లాభాన్ని పొందలేదు. ఇదే విషయం సుకుమార్ సార్ కు కూడా చెప్పాను. ఇందులో నేను దాచడం లేదు. అబద్దం కూడా చెప్నడం లేదు. ఆ సినిమా తర్వాత నేను ఎక్కువగా మలయాళ సినిమాల్లోనే నటించాను. అయితే, మలయాళం భాష తెలియని వారు కూడా నా సినిమాలు చూస్తున్నారు. అదొక్కటే నాలో సంతోషాన్ని నింపింది. నేను ఏ ప్రాంతాన్ని, ఎవరినీ అగౌరపరచడం లేదు. అలాంటి ఉద్ధేశం కూడా నాకు లేదు’’ అని ఆయన చెప్పారు.