Sobhita Husband : తెలుగు సినిమాల్లో శోభిత ధూళిపాళ్ల గురించి తెలిసిందే. గూఢచారి సినిమాతో తెరంగేట్రం చేసిన ఆమె తరువాత పొన్ని సెల్వియన్ తో మంచి గుర్తింపు దక్కించుకుంది. సినిమా హిట్ కావడంతో ఇప్పుడు ఆమెకు అవకాశాలు చుట్టుముడతాయని అనుకుంటున్నారు. ది నైట్ మేనేజర్ 2 తో ఇప్పుడు మరోమారు ప్రేక్షకుల మందుకు రాబోతోంది. అప్పట్లో నాగచైతన్యతో డేటింగ్ చేసిందంటూ పుకార్లు వచ్చాయి.
తాను చేసుకోబోయే వాడు ఎలా ఉండాలనేదానిపై క్లారిటీ ఇస్తోంది. తనను పెళ్లి చేసుకునే వాడు కచ్చితంగా కొన్ని లక్షణాలు కలిగి ఉండాలని చెబుతోంది. జీవితంలో ఎంత ఎత్తుకు ఎదిగినా ఒదిగి ఉండాలని సూచిస్తోంది. నిరాడంబరంగా ఉండాలని చెబుతోంది. ఇతరులపై దయ ఉండాలంటోంది. ప్రకృతిని ఆరాధించాలని, జీవితాన్ని గురించి అర్థం చేసుకుని మెలగాలని షరతు పెడుతోంది.
నాగచైతన్యతో డేటింగ్ విషయంపై కూడా స్పందించింది. తన వ్యక్తిగత జీవితం గురించి తప్పుడు ప్రచారం చేయడం నచ్చదని చెప్పుకొచ్చింది. జీవితంలో ఈ స్థానానికి రావడానికి చాలా కష్టపడ్డాను. కానీ ఇలాంటి పుకార్లకు నేను భయపడను. మనం నిజాయితీగా ఉంటే ఎవరికి భయపడాల్సిన అవసరం లేదు. తప్పు చేస్తే అపరాధ భావం కలుగుతుంది. కానీ తప్పు చేయనంత వరకు ఎవరికి లొంగాల్సిన పనిలేదు.
కష్టపడి ఇంకా పైకి ఎదగాలని చూడాలి కానీ ఇలాంటి అనవసర పుకార్లు నమ్ముకుని మన కెరీర్ ను నాశనం చేసుకోను. నటనలో ఇంకా ఎదగడానికి ప్రయత్నిస్తున్నాను. మంచి నటిగా గుర్తింపు పొందాలి కానీ ఇలాంటి వాటిని పట్టించుకుని తానేదో తప్పు చేశానని అనుకోను అని చెప్పింది. ఇలా శోభిత తన జీవితం గురించి ఎన్నో విషయాలు సూటిగా వెల్లడించింది.
