Telangana CM KCR :రాజకీయ నాయకులు సినిమా వాళ్లు ఇద్దరు నటిస్తుంటారు. తెర మీద వారు తెర వెనుక వీరు తమ నటన కౌషలాన్ని ప్రదర్శిస్తుంటారు. నటనలో వారికి వారే సాటి. వారికి లేరు పోటీ. ఎంతటి విషయాన్ని అయినా అలవోకగా నటించి చూపిస్తారు. ప్రస్తుతం దేశంలోనే టీడీపీ అధ్యక్షుడు నారా చంద్రబాబు నాయుడు అరెస్ట్ వ్యవహారం గందరగోళంగా మారింది. దీంతో దాన్ని తమకు అనుకూలంగా మలుచుకోవాలని బీఆర్ఎస్ భావిస్తోంది.
చంద్రబాబు అరెస్ట్ పై బీఆర్ఎస్ నేత మోత్కుపల్లి నర్సింహులు హైదరాబాద్ లో దీక్ష చేపట్టారు. బాబు మచ్చలేని నాయకుడని చెబుతున్నారు. దీంతో దీన్ని క్యాష్ చేసుకోవాలని కేసీఆర్ వ్యూహం రచించారు. ఇన్నాళ్లు చంద్రబాబును తిట్టిపోసిన కేసీఆర్ ఇప్పుడు అకస్మాత్తుగా పొగడ్తలతో ముంచెత్తుతున్నాడు. దీంతో చంద్రబాబుకు వస్తున్న సింపతిని క్యాష్ చేసుకోవాలని భావిస్తున్నాడు.
ఒక వైపు వేదికల మీద పొగుడుతూనే సోషల్ మీడియాలో తిడుతున్నారు. మీది ఒకలా ప్రవర్తిస్తూ లోపల మరో నటుడిని పెంచి పోషిస్తున్నారు. ఇలా టీడీపీని టార్గెట్ చేసుకుంటున్నారు. ఇదంతా చూస్తుంటే కేసీఆర్ నటన ప్రావీణ్యతకు అద్దం పడుతోంది. గతంలో చంద్రబాబు వ్యవసాయం దండగ అని తన శిష్యుడు రేవంత్ రెడ్డి తో మాట్లాడించారని గుర్తు చేసుకుని వారిని సోషల్ మీడియాలో ఇబ్బందికర పరిస్థితులను బయటపెట్టారు.
రాబోయే సార్వత్రిక ఎన్నికల్లో చంద్రబాబుకు సింపతి దక్కకుండా చేయడమే కేసీఆర్ వ్యూహం. దీంతోనే బాబుపై పైన కపట ప్రేమ నటిస్తూ లోపల విషం కక్కుతున్నాడు. చంద్రబాబుకు ఇతర పార్టీల నేతలు కూడా మద్దతుగా నిలుస్తున్నారు. బాబు తప్పు చేయలేదని చెబుతున్నారు. చంద్రబాబు జీవితంలో ఏ తప్పు చేయకున్నా ఉద్దేశపూర్వకంగా కేసు పెట్టించి లోపల వేయించడం దుర్మార్గమైన చర్యగా అభివర్ణిస్తున్నారు.
