Raghava Lawrence : కొలీవుడ్ హీరో, దర్శకుడు రాఘవ లారెన్స్ ఎంత బిజీగా ఉన్నప్పటికీ తన వంతు సాయంగా ట్రస్ట్ పేరుతో సేవా కార్యక్రమాలు నిర్వహిస్తూనే ఉంటారు. ఇటీవల దివ్యాంగులకు ద్విచక్రవాహనాలు కూడా పంపిణీ చేశారు.
ఇచ్చిన మాట ప్రకారం సాయం చేస్తూ ముందుకెళ్తున్నారు కొలీవుడ్ స్టార్. గతంలో పేద రైతులకు ట్రాక్టర్లు ఇస్తానన్న మాటను నిలబెట్టుకున్నారు. తాజాగా 10 మంది రైతులకు ఒక్కో ట్రాక్టర్ ను అందజేశారు. మొదటి ట్రాక్టర్ ను విలుపురం జిల్లాకు చెందిన రాజకన్నన్ కుటుంబానికి అందించారు.
ఇందుకు సంబంధించిన వీడియోను రాఘవ లారెన్స్ తన సోషల్ మీడియా ఖాతాలో పోస్ట్ చేశారు. ‘కష్టాల్లో ఉన్న రైతులకు అండగా నిలుద్దాం. ఆనందం పంచుదాం’ అని ఆయన ట్వీట్ చేశారు.
