Rebel Star Prabhas: రెబల్ స్టార్ ప్రభాస్ హిట్టా, ఫట్టా అనేది పట్టించుకోకుండా సినిమాలు తీసుకుంటూ వెళ్తున్నారు. అన్నీ కూడా భారీ బడ్జెట్ పాన్ ఇండియా చిత్రాలు కావడం విశేషం. ప్రశాంత్ నీల్ రెబల్ స్టార్ తో కిలిసి తెరకెక్కించిన చిత్రం ‘సలార్’. వచ్చే నెలలో ఈ చిత్రం విడుదలకు సిద్ధమవుతోంది. అయితే దూకుడుగా ప్రమోషన్స్ తో గేర్ మార్చకపోవడంతో అభిమానులు కొంత తీవ్ర నిరాశకు గురవుతున్నారు.
ప్రభాస్-నాగ్ అశ్విన్ హాలీవుడ్ రేంజ్ సినిమా ‘కల్కి 2898 ఏడీ’ కూడా వేగంగా షూటింగ్ జరుపుకుంటుంది. ఈ సినిమాను వచ్చే సంవత్సరం విడుదల చేసేందుకు మేకర్స్ అన్ని ఏర్పాట్లు చేస్తున్నారు. దీనికి సంబంధించిన టీజర్ కూడా రీలీజ్ చేయగా హ్యూజ్ వ్యూవ్స్ వచ్చాయి. మల్టీ స్టారర్ మూవీగా ఇది తెరకెక్కుతుంది.
ఇదిలా ఉంటే మారుతి దర్శకత్వంలో ప్రభాస్ తన తదుపరి సినిమా షూటింగ్ ను పునఃప్రారంభించనున్నాడని తెలిసింది. ఒకవేళ ఈ వార్తలు నిజమైతే ఆగస్ట్ మూడో వారంలో ఎప్పుడైనా ప్రభాస్ కొత్త షెడ్యూల్ స్టార్ట్ చేసే అవకాశం ఉంది. దర్శకుడు మారుతికి ఈ చిత్రం తనదైన ముద్ర వేయడానికి, కెరీర్ డిఫైనింగ్ అవుట్ పుట్ ఇవ్వడానికి ఒక ముఖ్యమైన అవకాశాన్ని అందిస్తుంది.
నిధి అగర్వాల్, మాళవిక మోహన్, రిద్ధి కుమార్ వంటి హీరోయిన్లు ఈ చిత్రంలో నటిస్తున్నారు. పీపుల్ మీడియా ఫ్యాక్టరీ నిర్మిస్తున్న ఈ చిత్రం వచ్చే ఏడాది గ్రాండ్ గా విడుదల కానుంది. మారుతి సినిమా షూటింగ్ పూర్తయిన తర్వాత ప్రభాస్ సలార్ ప్రమోషన్స్ లో జాయిన్ అయ్యే అవకాశం ఉంది.
