Garba and Dandiya: వచ్చే నెల (అక్టోబర్)లో వస్తున్న దసరా వేడుకలు ఓహియోలో వైభవంగా జరగనున్నాయి. అందుకు నిర్వాహకులు ఇప్పటి నుంచే ఏర్పాట్లు చేస్తున్నారు. ఓహియో సిటీలోని ‘గుజరాతీ మండల్ ఆఫ్ సెంట్రల్ ఓహియో(GMOCO)’ ఆధ్వర్యంలో తమ సంప్రదాయ నృత్యాలతో ఈ సంబురాలు ఉంటాయని ఒక కరపత్రం రిలీజ్ చేశారు.
గుజరాతీ మండల్ ఆఫ్ సెంట్రల్ ఓహియో ది నవరాత్రి ట్రెడీషనల్ ఆఫ్ కొలంబస్ నిర్వహించనుంది. ఇందులో భాగంగా ‘గర్బా అండ్ దాండియా’ కార్యక్రమం ఏర్పాటు చేశారు. అక్టోబర్ 13వ తేదీ (శుక్రవారం)-సాయంత్రం 8 గంటలకు, అక్టోబర్ 14వ తేదీ (శనివారం)- సాయంత్రం 8 గంటలకు, అక్టోబర్ 15 (ఆదివారం)- సాయంత్రం 5 గంటలకు కార్యక్రమాలు ఉంటాయి. గ్రేటర్ కొలంబస్ కన్వెన్షన్ హాల్ లో వేడుకలు నిర్వహించనున్నారు.
మూడు రోజులకు సంబంధించి GMOCO సభ్యులకు 45 డాలర్లు, సభ్యత్వం లేకుండా అయితే 55 డాలర్లు చెల్లించాల్సి ఉంటుంది. ఇక ఇందులో 5 సంవత్సరాల్లోపు పిల్లలకు ఉచితంగా అనుమతిస్తున్నారు. కార్యక్రమానికి లిమిటెడ్ పాసులు మాత్రమే అందుబాటులో ఉన్నాయని, ఆగస్ట్ 19 నుంచి ఇవి అందుబాటులో ఉన్నాయని నిర్వాహకులు వివరించారు. మరిన్ని వివరాలకు www.gmoco.orgలో సంప్రదించాలని నిర్వాహకులు సూచిస్తున్నారు.