Dussehra Celebrations: భారతదేశం యావత్తు ఆనందంగా, వైభవంగా జరుపుకునే పండుగ దసరా. దసరా వస్తుందంటే చాలు ఇటు రైతుల నుంచి అటు పారిశ్రామిక వేత్తల వరకు ఆనందంలో మునిగిపోతారు. అసలు పండుగ ఒక్కరోజే అయినా.. ముందు వెనుకా.. వేడుకలు సంబురాలతో ఎంజాయ్ చేస్తారు. పండుగకు ముందు రైతులు పాడి పంటలకు పూజలు చేయడం.. గల్లీ ఆఫీస్ నుంచి కార్పొరేట్ ఆఫీస్ వరకు తమ కార్యాలయాలను వేడుకలకు ముస్తాబు చేయడం ప్రతీ ఏటా కనిపిస్తూనే ఉంటుంది.
ఇక పండుగ రోజు కార్యక్రమాలు మరింత ఆనందాన్ని ఇస్తాయి. యావత్ భారత్ ఈ వేడుకలను కన్నుల పండువగా, అత్యంత వైభవంగా నిర్వహించుకుంటుంది. ఇది ఒక ఇండియాలోనే కాదు.. ఇతర దేశాల్లో సెటిల్ అయిన ఇండియన్స్ కూడా అక్కడ ఆనందంగా నిర్వహించుకుంటారు. తమకు దొరికిన వస్తువులతో పండుగను తోచిన కాడికి చేసుకుంటారు. ఇక అమెరికలో అయితే ఈ కార్యక్రమాలు పెద్ద ఎత్తున జరుగుతుంటాయి.
‘కొలంబస్ తెలంగాణ అసోసియేషన్’ ఆధ్వర్యంలో ‘దసరా ధూమ్ దాం’ కార్యక్రమం నిర్వహించనున్నారు. ఈ కార్యక్రమం కనీ వినీ ఎరుగని విధంగా చేయాలని నిర్వాహకులు ఏర్పాట్లు చేస్తున్నారు. అక్టోబర్ 29, 2023 రోజున గ్రోవ్‌పోర్ట్ మ్యాడిషన్ హైస్కూల్, 4475 S హామిల్టన్ రోడ్, గ్రోవ్‌పోర్ట్, ఓహియో (OH) 43125లో మధ్యాహ్నం 1 గంట రాత్రి 7 గంటల వరకు కొనసాగుతుంది.
ఇందులో సంస్కృతిక, ఆధ్యాత్మిక కార్యక్రమాలు నిర్వహిస్తున్నారు. టాలీవుడ్ లెజెండ్స్ (డ్యాన్స్ స్కిట్), కలియుగ కృష్ణుడు (సోసియే ఫాంటసీ స్కిట్), లోకల్ టాలెంట్, కిర్రాక్ సాంగ్స్, వెండర్ బోత్స్ లాంటివి ఏర్పాటు చేయనున్నారు.
మరిన్ని వివరాలకు రమేశ్ మధు, ప్రెసిడెంట్-(714)271-2655, సాయి, అల్లాడి-(615) 275-6414, గోజయ్-(601)447-2503, సురేశ్-(850) 491-0918లో సంప్రదించాలని నిర్వాహకులు తెలిపారు.
