అమెరికా కీలక నిర్ణయం తీసుకుంది. వర్క్ పర్మిట్ ల విషయంలో వీసాల గడువు ముగుస్తోంది అని బాధపడే వాళ్లకు శుభవార్త తెలియజేసింది అమెరికా. వర్క్ పర్మిట్ ల గడువు ముగుస్తున్న లక్షలాది మందికి మరో 18 నెలల పాటు గడువు పొడిగించింది. ఈ నిర్ణయం వల్ల ఎక్కువగా భారతీయులు లబ్ది పొందనున్నారు.
వర్క్ పర్మిట్ వీసాలతో అమెరికా వెళ్లి ఉద్యోగం చేసుకుంటున్న వాళ్లకు మరో 18 నెలల గడువు అంటే దాదాపు 540 రోజుల పాటు వెసులుబాటు కల్పించడమే ! దాంతో తమ ఉద్యోగాలు హాయిగా చేసుకుంటూనే గ్రీన్ కార్డు కోసం ప్రయత్నాలు చేసుకోవచ్చు. తాజాగా అమెరికా తీసుకున్న ఈ నిర్ణయం వల్ల 87 వేలకు పైగా భారతీయులు లబ్ది పొందనున్నట్లు తెలుస్తోంది. అమెరికాలో గ్రీన్ కార్డు ( శాశ్వత స్థిర నివాసం ) కోసం ఎదురు చూస్తున్న వాళ్లకు మరో 540 రోజులు వెసులుబాటు కల్పించింది జోబైడెన్ సర్కారు.