Oo Manchi Ghost Glimpse : వెన్నెల కిశోర్ ‘ఓ మంచి ఘోస్ట్ (ఓఎంజీ)’ పేరుతో సరికొత్త హారర్ కామెడీ చిత్రాన్ని ప్రేక్షకుల ముందుకు తీసుకురానున్నారు. ఈ సినిమా మేకర్స్ ఓ ఎక్స్ క్లూజివ్ గ్లింప్స్ క్లిప్, పోస్టర్ ను విడుదల చేశారు.
మేకర్స్ తమ ఎక్స్ క్లూజివ్ ప్రమోషనల్ క్లిప్ తో ప్రేక్షకులకు స్పెషల్ గ్లింప్స్ ఇచ్చారు. ఈ వీడియోను చిత్ర నిర్మాణ సంస్థ యూ ట్యూబ్ ఛానెల్ లో షేర్ చేసింది. భయపెట్టే బ్యాగ్రౌండ్ స్కోర్ తో ఈ గ్లింప్స్ గూస్ బంబ్స్ తెప్పించింది. ఈ హారర్ మూవీతో ఆడియన్స్ బోలెడంత కామెడీ ఆశించవచ్చని నటీనటుల ఎక్స్ ప్రెషన్స్ చూస్తే తెలుస్తోంది. మే 1న విడుదలైన ఈ గ్లింప్స్ కు వేలల్లో వ్యూస్ వచ్చాయి.
గ్లింప్స్ తో పాటు ఈ చిత్రానికి సంబంధించిన పోస్టర్ ను కూడా మేకర్స్ రిలీజ్ చేశారు. ఈ పోస్టర్ లో ఈ సినిమా దెయ్యాన్ని చూస్తూ, వారి వెనుక భయంకరమైన నీడను చూపించారు. ఈ చిత్రంలోని పాత్రలు తమ ముఖాల్లో అంతులేని భయంతో కనిపిస్తున్నాయి.
శంకర్ మార్తాండ్ దర్శకత్వంలో ఈ సినిమా తెరకెక్కుతోంది. వెన్నెల కిశోర్, షకలక శంకర్, రజత్ రాఘవ్, రఘుబాబు, నాగినీడు, బాహుబలి ప్రభాకర్, షాకింగ్ శేషు, నందితా శ్వేత తదితరులు నటిస్తున్నారు. అనూప్ రూబెన్స్ సంగీతం సమకూరుస్తున్న ఈ చిత్రానికి ఆండ్రూ సినిమాటోగ్రఫీ, ఎంఆర్ వర్మ ఎడిటర్.
మార్సెట్ నెట్వర్క్స్ పతాకంపై డా.అబినికా ఇనాబత్తుని ఈ చిత్రాన్ని నిర్మిస్తున్నారు. ఆర్ట్ డైరెక్షన్: సుప్రియ, విజువల్ ఎఫెక్ట్స్: విక్టర్, కళ్యాణ్, విజయ్, కొరియోగ్రాఫర్ బాబా భాస్కర్. త్వరలోనే ఈ సినిమా విడుదల తేదీ ప్రకటించే అవకాశం ఉందని సమాచారం.
ఈ సినిమా కథానాయకుడు వెన్నెల కిషోర్ తెలుగు చిత్ర పరిశ్రమలోని ఉత్తమ హాస్యనటుల్లో ఒకరిగా గుర్తింపు పొందారు. బిందాస్, పిల్ల జమీందార్, దరువు, సర్కారు వారి పాట, బాద్షా తదితర చిత్రాల్లో నటించారు.
' Frist Glimpse O Manchi Deyyam' First Glimpse Released.. This is an interesting horror comedy.){kind=link}