- హంటింగ్ షురూ చేసిన నందమూరి నటసింహం
Balakrishna Movie : వెటరన్ హీరోల్లోని టాప్ స్టార్ నందమూరి బాలకృష్ణ వరుస బ్లాక్ బస్టర్లతో దుమ్ములేపుతున్నాడు. బాలకృష్ణ గత మూడు చిత్రాలు సూపర్ హిట్లుగా నిలిచాయి. మెగాస్టార్ చిరంజీవికి వాల్తేరు వీరయ్య లాంటి సూపర్ డూపర్ హిట్టిచ్చిన బాబీ దర్శకత్వంలో నందమూరి నటసింహం ఓ సినిమా చేస్తు్న్నాడు. NBK109 వర్కింగ్ టైటిల్ తో ఈ సినిమా సెట్స్ మీద ఉంది. అయితే ఈ చిత్రంలో స్టార్ కాస్ట్ భారీగా కనిపించబోతున్నదని టాక్. ఇప్పటికే ఈ మూవీలో ఇద్దరు మలయాళ స్టార్ హీరోలు నటిస్తున్నట్లు టాక్ వినిపిస్తున్నది. ఇప్పుడు ఈ మూవీలోకి బాలీవుడ్ స్టార్ ఎంటరయ్యాడు.
గతేడాది బ్లాక్ బస్టర్ గా నిలిచిన యానిమల్ మూవీలో బాలీవుడ్ హీరో ‘బాబీ డియోల్’ విలన్ గా చేశాడు. ఈ సినిమా బాబీకి మంచి పేరు తెచ్చింది. ఇప్పటికే తమిళ హీరో సూర్య నటిస్టున్న కంగువాలో విలన్ గాచేస్తున్నాడు. ఇక బాలయ్య109 మూవీకి కూడా సైన్ చేశాడు. తాజాగా ఈ మూవీ సెట్స్ లోకి బాబీ డియోల్ ఎంటరైన విషయాన్ని మేకర్స్ అనౌన్స్ చేశారు. బాబీ ఎంట్రీతో ఈసారి హంటింగ్ కాస్త గట్టిగానే ఉంటుందని టాక్ వస్తున్నది.
సౌత్ హీరోలతో స్ర్కీన్ షేరింగ్
ఈ సినిమాలో మలయాళ టాప్ హీరో దుల్కర్ సల్మాన్ కీరోల్ చేస్తున్నాడు. మరో మలయాళ యాక్టర్ షైన్ టామ్ చాకో కూడా ఈ సినిమాలో కనిపించబోతున్నట్లు టాక్ వినిపిస్తు్న్నది. ఇక ఓ తెలుగు అమ్మాయి ఒక ముఖ్య పాత్ర చేస్తున్నారట. ఇటీవలే ఈ మూవీ నుంచి రిలీజ్ చేసిన గ్లింప్స్ హైప్ మరింత పెంచింది. నందమూరి అభిమానులు ఈ మూవీ పై భారీ అంచనాలు పెట్టుకున్నారు . శ్రీకర స్టూడియోస్ సమర్పణలో సితార ఎంటర్టైన్మెంట్స్, ఫార్ట్యూన్ ఫోర్ సంయుక్తంగా నిర్మిస్తున్న ఈ సినిమాకి ‘వీరమాస్‌’ అనే టైటిల్ పెట్టాలనే నిర్ణయానికి వచ్చినట్లు సమాచారం. త్వరలోనే ఈ మూవీ టైటిల్ ని అధికారికంగా అనౌన్స్ చేయనున్నారు. అఖండ సినిమాకు అదిరిపోయే మ్యూజిక్ ఇచ్చిన థమన్ మరోసారి బాలకృష్ణ సంగీతం అందిస్తున్నారు.
