Where is pushpa ? అంటూ ఓ వీడియో విడుదల చేశారు మైత్రి మూవీ మేకర్స్. తిరుపతి పోలీస్ స్టేషన్ నుండి బులెట్ గాయాలతో పుష్ప తప్పించుకున్నాడని , ఇప్పుడు అతడు తప్పించుకొని ఎక్కడికి పారిపోయాడు ? అంటూ ఓ వీడియో విడుదల చేసారు. పోలీస్ స్టేషన్ పైకి పెద్ద ఎత్తున జనాలు తరలి రావడం వాళ్ళను పోలీసులు చెల్లాచెదురు చేయడం , బాంబ్ బ్లాస్ట్ వంటి సన్నివేశాలు అల్లు అర్జున్ అభిమానులను అలరించేలా ఉన్నాయి.
2021 డిసెంబర్ లో విడుదలైన పుష్ప ప్రపంచ వ్యాప్తంగా వసూళ్ల వర్షం కురిపించిన విషయం తెలిసిందే. పాన్ ఇండియా చిత్రంగా విడుదలైన పుష్ప భారీ విజయం సాధించడంతో పుష్ప 2 చిత్రాన్ని చేస్తున్నారు. సుకుమార్ దర్శకత్వంలో మైత్రి మూవీ మేకర్స్ భారీ బడ్జెట్ తో ఈ చిత్రాన్ని నిర్మిస్తున్నారు. దేవిశ్రీప్రసాద్ సంగీతం అందిస్తున్నాడు. ఇక ఎప్పటి లాగే చంద్రబోస్ ఈ చిత్రంలోని అన్ని పాటలను రాసాడు. ఇందులో కూడా ఐటమ్ సాంగ్ అద్భుతంగా వచ్చిందట.
ఏప్రిల్ 8 న అల్లు అర్జున్ పుట్టిన రోజు కావడంతో ఆ సందర్భంగా పుష్ప చిత్రం నుండి అప్ డేట్ రానుంది. దానికి సంబంధించిన ఓ చిన్న వీడియో ఈరోజు కొద్దిసేపటి క్రితం విడుదల చేసింది పుష్ప 2 యూనిట్. ఇక ఈ వీడియో అభిమానులను విశేషంగా అలరించేలా ఉంది. సినిమాపై అంచనాలను కూడా భారీగా పెంచింది.
అల్లు అర్జున్ హీరోగా నటిస్తున్న ఈ చిత్రంలో రష్మిక మందన్న హీరోయిన్ గా నటిస్తోంది. ఫాహాద్ ఫాజిల్ విలన్ గా నటిస్తుండగా సునీల్ , అనసూయ , తదితరులు కీలక పాత్రల్లో నటిస్తున్నారు
