Varun Tej Campaign : జనసేన అధినేత పవన్ కళ్యాణ్ కోసం మెగా హీరో వరుణ్ తేజ్ ఎన్నికల ప్రచారానికి సిద్ధమయ్యారు. పవన్ పోటీ చేస్తున్న పిఠాపురం నియోజకవర్గంలో రేపు ప్రచారం చేయనున్నారు. గొల్లప్రోలు రూరల్ మండలం తాటిపర్తిలో మధ్యాహ్నం 3 గంటలకు ప్రచారం ప్రారంభం కానుంది. వన్నెపూడి మీదుగా కొడవలి, చందుర్తి, దుర్గాడ మీదుగా రోడ్ షో కొనసాగుతుందని జనసేన పార్టీ ప్రకటన విడుదల చేసింది. మరోవైపు ఖమ్మంలో రఘురాంరెడ్డి, కైకలూరులో కామినేని శ్రీనివాస్ తరపున హీరో వెంకటేశ్ ప్రచారం చేస్తారని సమాచారం.
ఏపీలో ఎన్నికల వేడి వేసవి ఉష్ణోగ్రతల కంటే ఎక్కువగానే ఉంటోంది. ఒకవైపు అధికార వైసీపీ, మరోవైపు బీజేపీ, టీడీపీ, జనసేన కూటమి అభ్యర్థులు ప్రచారంలో వేగం పెంచారు. ఈ నేపథ్యంలో జనసేన అధినేత పవన్ కళ్యాణ్ పోటీ చేస్తున్న పిఠాపురం నియోజకవర్గంలో వరుణ్ తేజ్ శనివారం ప్రచారం చేయనున్నారు. ప్రచార కార్యక్రమాలను నాగబాబు దగ్గరుండి పర్యవేక్షిస్తున్నారు.
