Meet Greet with Oscar Winner : దర్శక ధీరుడు రాజమౌళి తెరకెక్కిన ‘ఆర్ఆర్ఆర్’ మూవీ ప్రపంచ వ్యాప్తంగా బ్లాక్ బస్టర్ హిట్ సొంతం చేసుకుంది. ఈ మూవీలో మెగా పవర్ స్టార్ రాంచరణ్ అల్లూరి సీతారామరాజుగా.. యంగ్ టైగర్ ఎన్టీఆర్ కొమురంభీం పాత్రలో నటించి సినీప్రియులను అలరించారు. స్వాత్రంత్య పోరాటం బ్యాక్ డ్రాప్ లో తెరకెక్కిన ఈ మూవీకి విమర్శకుల ప్రశంసలు దక్కాయి.
ఈ సినిమాకు జాతీయ.. అంతర్జాతీయ స్థాయిలో అనేక అవార్డులు దక్కాయి. సినిమా అవార్డుల్లో అత్యున్నత పురస్కారంగా భావించే ‘ఆస్కార్’ అవార్డు సైతం దక్కింది. ఈ మూవీలోని ‘నాటు నాటు’ పాట ఉత్తమ ఒరిజినల్ సాంగ్ కేటగిరిలో అవార్డును గెలుపొందింది. ఈ పాట రాసిన ప్రముఖ గేయ రచయిత చంద్రబోస్.. సంగీత దర్శకుడు కీరవాణి ఆస్కార్ వేడుకల్లో పాల్గొని అవార్డులను అందుకున్న సంగతి తెల్సిందే.
కాగా ఆస్కార్ 95వ అవార్డు విజేత చంద్రబోసుతో ‘మిర్చి’ మాటమంతీ కార్యక్రమాన్ని నిర్వహించేందుకు అన్ని ఏర్పాట్లు చేసింది. జూన్ 16న ‘మీట్ గ్రీట్ విత్ ఆస్కార్ 95 విన్నర్ చంద్రబోస్’ పేరుతో కార్యక్రమాన్ని నిర్వహిస్తోంది. మిర్చి రెస్టారెంట్ 1655 Oak Tree Rd., Edison, NJ 08820 నందు రాత్రి 7:30 గంటలకు చంద్రబోస్ తో మాటామంతి కార్యక్రమం జరుగనుంది. ఔత్సాహికులు ఈ కార్యక్రమంలో పాల్గొని విజయంతం చేయాలని ‘మిర్చి’ నిర్వాహాకులు కోరారు.