Upendra : ప్రముఖ శాండల్ వుడ్ నటుడు డైరెక్టర్ గా పేరు తెచ్చుకున్న ఉపేంద్రపై కేసు నమోదు అయ్యింది.. ఈయన కన్నడ నటుడు అయినప్పటికీ తెలుగు ప్రేక్షకులకు కూడా సుపరిచితమే.. తెలుగులో కూడా ఉపేంద్ర చాలా సినిమాల్లో నటించి మెప్పించాడు.. నటుడిగా మాత్రమే కాదు దర్శకుడిగా కూడా తనకంటూ ప్రత్యేకమైన గుర్తింపు తెచ్చుకున్నాడు..
మరి ఈ నటుడిపై ఎందుకు కేసు నమోదు అయ్యింది? ఆ కేసు వివరాలు ఏంటి? అనేది తెలుసుకుందాం.. ఇటీవల ఉపేంద్ర ఫేస్ బుక్ లైవ్ లో దళితులపై వివాదాస్పదమైన వ్యాఖ్యలు చేసి ఇప్పుడు ఇబ్బందులను ఎదుర్కొంటున్నాడు.. ఈ క్రమంలోనే ఈయన వ్యాఖ్యలపై కేసు నమోదు అయ్యింది..
ఉపేంద్ర వివాదాస్పద వ్యాఖ్యలు చేసినప్పుడు తన రాజకీయ పార్టీ ప్రజక్రియ లైవ్ ప్రసారం చేసింది. ఈ లైవ్ లోనే ఈయన అభ్యంతరకరమైన భాషను ఉపయోగించడంతో చెన్నమ్మన కెరె అచ్చుకట్టు పోలీస్ స్టేషన్ లో ఎఫ్ఆర్ఐ నమోదు చేసారు.. ఒక పట్టణం ఉంటే ఖచ్చితంగా దళితులూ ఉంటారు అంటూ ఈయన మాట్లాడారు.
ఈ వ్యాఖ్యలపై తీవ్ర స్థాయిలో విమర్శలు రావడంతో ఈ వీడియోను తొలగించారు.. దీనిపై ఉపేంద్ర మాట్లాడుతూ.. అనుకోకుండా ఈ వ్యాఖ్యలను చేసానని క్షమాపణలు చెప్పుకొచ్చారు.. నేను అనుకోకుండా తప్పు ప్రకటన చేశా.. ఇది ప్రజల మనోభావాలను దెబ్బతీసిందని తెలుసుకుని వెంటనే ఆ వీడియోను డిలీట్ చేశా.. నా ప్రకటనకు క్షమాపణలు అంటూ చెప్పుకొచ్చారు.