Salaar Trailer Big Update : కొన్ని నెలలుగా ఇదిగో.. అదిగో.. అంటూ ఊరిస్తున్న ‘సలార్’ మూవీకి సంబంధించి బిగ్ అప్ డేట్ రానేవచ్చింది. స్టార్ డైరెక్టర్ ప్రశాంత్ నీల్-పాన్ వరల్డ్ స్టార్ ప్రభాస్ కాంబో అంటే అంత మామూలుగా ఉండదు. ఈ కాంబోలో మూవీపై నిర్మాతలు, డిస్ట్రిబ్యూటర్లు, సినీ అభిమానులు అంతెందుకు మొత్తంగా టాలీవుడ్ నుంచి బాలీవుడ్ వరకు అన్ని చిత్ర పరిశ్రమలు ఎంతో ఆతృతగా ఎదురు చూస్తున్నాయి. ఇప్పటి వరకు రిలీజ్ డేట్ అనౌన్స్ చేయని మేకర్స్. గుడ్డిలో మెల్లగా ట్రైలర్ పై అప్ డేట్ మాత్రం ఇచ్చారు.
మొత్తానికి ‘సలార్’ మూవీ టీమ్ నుంచి వచ్చిన అప్ డేట్ కు ఫ్యాన్స్ కొంత వరకు ఆనంద పడుతున్నారు. ట్రైలర్ రిలీజ్ అని అనౌన్స్ చేసిన మేకర్స్ ఈ రోజు కాదు.. డిసెంబర్ 1 అంటూ చెప్పారు. అంటే ట్రైలర్ కోసమే ఇంకా 20 రోజుల వరకు వెయిట్ చేయాలన్నమాట.
సలార్ మూవీపై ఇప్పటి వరకు చాలా గాసిప్ లు వచ్చాయి. ఎక్కువగా సినిమా విడుదల తేదీపై. వాయిదాలు పడుతూ.. డిసెంబర్ 22వ తేదీకి ఫిక్స్ అయ్యింది. ఆ రోజుకు కూడా రిలీజ్ అవుతుందో కాదో అన్న అనుమానాలు ఇంకా ఉన్నాయి. దీనికి తోడు నాన్ థియేటర్ బిజినెస్ సమస్యలు కూడా ఉన్నాయని, వీటితో పాటు మరిన్ని ప్రాబ్లమ్స్ కూడా ఉన్నాయని వార్తలు వినిపిస్తున్నాయి.
ఈ వార్తలతో ఇటు ప్రభాస్ ఫ్యాన్స్.. సినీ అభిమానులు కూడా టెన్షన్ పడుతున్నట్లు తెలుస్తోంది. ఈ నేపథ్యంలో ట్రైలర్ రిలీజ్ పై వచ్చిన అప్ డేట్ అనౌన్స్ మెంట్ వచ్చింది. ఇక త్వరలో సినిమా కూడా రిలీజ్ చేస్తారన్న నమ్మకం వారికి కలుగుతుంది. డిసెంబర్ 1న ట్రైలర్ రిలీజ్ తర్వాత మూవీ రిలీజ్ పై కూడా అనౌన్స్‌మెంట్ ఉండవచ్చు. ఆ తర్వాతనే ప్రమోషన్ కు సంబంధించిన పనులు కూడా ఉంటాయని తెలుస్తోంది. ప్రస్తుతం ప్రభాస్ కల్కి షూటింగ్ లో ఉన్నారు. ఇటీవల ఇండియాకు వచ్చిన ఆయన ప్రమోషన్లలో పాల్గొనే అవకాశం ఉంది.
