Boyapati : బోయపాటి శ్రీను డైరెక్టర్ లలో విలక్షణం కన్న వ్యక్తి. బాలయ్య బాబుతో ఎలా సీనిమా తీయాలో.. అలాగే అల్లు అర్జున్ తో ఎలా సినిమా తీయాలో ఆయనకు బాగా తెలిసు. బాలకృష్ణతో చాలా సినిమాలు చేసి బాక్సాఫీస్ హిట్లు సాధించాడు ఆయన. రీసెంట్ గా బాలకృష్ణ మూవీ ‘అఖండ’ కూడా బోయపాటి శ్రీను డైరెక్షన్ లోనే వచ్చింది.
అయితే బోయపాటి ప్రస్తుతం యంగ్ ఎనర్జటిక్ స్టార్ రామ్ పోతినేనితో కలిసి ఒక సినిమా చేస్తున్నట్లు మనందరికీ తెలిసిందే. దీనికి సంబంధించి ఇంకా టైటిల్ కూడా పెట్టలేదు. కానీ షూటింగ్ మాత్రం శరవేగంగా దూసుకుపోతోంది. ఈ మూవీకి సంబంధించిన గ్లిమ్స్ వీడియో రామ్ పుట్టిన రోజు సందర్భంగా ఈ మధ్యే రిలీజ్ చేశారు మేకర్స్. దానికి భారీ వ్యూవ్స్ వచ్చాయి. ఆడియన్స్ కూడా బాగా స్పందించారు. బోయపాటా మజాకా అంటూ కామెంట్లు కూడా పెడుతున్నారు.
గుబురు గడ్డంతో లావుగా రామ్ ను చూపించాడు బోయపాటి. తమన్ సంగీతం అందిస్తున్న ఈ సినిమాలో రామ్ కు జోడీగా శ్రీలీల నటిస్తోంది. అయితే దసరా సందర్భంగా అక్టోబర్ 20వ తేదీన ఈ సినిమాను రిలీజ్ చేద్దామని అనుకున్నారు మేకర్స్. కానీ షూటింగ్ దాదాపుగా పూర్తి కావస్తున్న నేపథ్యంలో పోస్ట్ ప్రొడక్షన్ పనులను కలుపుకుంటే రెండు నెలలు అవుతుంది కాబట్టి ఆగస్ట్ లోనే విడుదల చేయాలని చూస్తున్నారు. అన్నీ పూర్తియితే ఆగస్ట్ లోనే ఈ సినిమా మన ముందుకు వచ్చేలా ఉంది.
బోయపాటి దర్శకత్వం హీరోకు హీరోకు మారుతూ ఉంటుంది. బాలయ్యతో సినిమా తీస్తే గూజ్ బంప్స్ సన్నివేశాలతో మాస్ ఆడియాన్స్ ను బాగా కనెక్ట్ అవుతుంది. అలాగే యంగ్ హీరోతో చేస్తే వారి బాడీ లాంగ్వేజ్ కు తగ్గట్లు మేకింగ్ చేస్తారు ఆయన. ఐకాన్ స్టార్ అల్లు అర్జున్ తో సరైనోడు తీసి బ్లాక్ బస్టర్ హిట్ కొట్టారు బోయపాటి. ఇప్పుడు రామ్ తో కూడా ఇలానే ప్రయోగం చేస్తున్నట్లు ఇండస్ట్రీ చెప్తుంది. అయితే ఇది పూర్తి స్థాయి మాస్ సినిమా అనుకుంటే పొరబాటేమరి. రొమాంటిక్, లవ్ స్టోరీ జానర్ లో దీన్ని తీర్చిదిద్దారట. భద్ర తర్వాత ఆ తరహా సినిమా తీయాలని ఆయన చాలాకాలం వెయిట్ చేశారు. ఈ సినిమాతో ఆయన కోరిక తీరుతుంది.