Pushpa movie : సోషల్ మీడియా వచ్చిన తర్వాత ఒక టాపిక్ వైరల్ అవ్వాలంటే చెప్పాల్సిన పని లేదు.. నిముషాల్లోనే వైరల్ చేసేయడం సోషల్ మీడియా పని. ఇక్కడ ఏ చిన్న పని చేసిన మళ్ళీ తప్పించుకునే లోపే అది వైరల్ కూడా అవుతుంది.. ఇక నిన్న ఐకాన్ స్టార్ అల్లు అర్జున్ కు 69వ జాతీయ అవార్డుల్లో ఉత్తమ నటుడిగా అవార్డు వచ్చిన విషయం తెలిసిందే..
ఈ క్రమంలోనే ఈయనకు ప్రపంచ వ్యాప్తంగా ఉన్న ఫ్యాన్స్ నుండి శుభాకాంక్షలు అందుతూనే ఉన్నాయి.. అదే సమయంలో మహేష్ ఎప్పుడో చేసిన పాత ట్వీట్ ను కూడా బయటకు తీశారు.. మరి ఆ ట్వీట్ ఏంటో తెలుసా.. ఆ ట్వీట్ లో ఏముందంటే.. పుష్ప సినిమాను ముందుగా సుకుమార్ మహేష్ బాబుతో చేయాలని అనుకున్నాడు.
ఈ క్రమంలోనే మహేష్ కు కథ వినిపించాడు.. మహేష్ సున్నితంగా నో చెప్పడంతో ఆ కథ అల్లు అర్జున్ వద్దకు వెళ్లగా ఆయన ఓకే చెప్పారు.. మహేష్ ట్విట్టర్ వేదికగా ట్వీట్ చేస్తూ.. క్రియేటివ్ డిఫరెన్సెస్ వల్ల సుకుమార్ తో తన ప్రాజెక్ట్ క్యాన్సిల్ అయ్యిందని.. మంచి కథ దొరికితే తామిద్దరం చేయడానికి రెడీగా ఉన్నామంటూ చెప్పుకొచ్చాడు.
ఇక ఇప్పుడు అల్లు అర్జున్ కు నేషనల్ అవార్డు రావడంతో మహేష్ ఆ అవార్డును మిస్ అయ్యారంటూ కామెంట్స్ చేస్తున్నారు. ఇదిలా ఉండగా పుష్ప రిలీజ్ అయ్యాక కూడా మహేష్ పుష్ప సినిమా చూసి ప్రశంసలు కురిపించగా అల్లు అర్జున్ కూడా ఆయనకు రిప్లై ఇస్తూ మా సినిమాను మెచ్చుకున్నందుకు సంతోషంగా ఉందంటూ తెలిపారు.. మొత్తానికి ఇప్పుడు ఈ ట్వీట్స్ వైరల్ అవుతున్నాయి…
 |
ReplyForward
|
