ఇండస్ట్రీలో వారసత్వం కామనే. హీరోలు వారి లెగసీ చూపించేందుకు కొడుకులను ఇండస్ట్రీకి తెస్తే, తామేం తక్కువ తిన్నామా అంటూ హీరోయిన్లు కూడా తమ కూతుళ్లును రంగుల ప్రపంచలో స్టార్ హీరోయిన్లుగా నిలబెడుతున్నారు. బాలీవుడ్ నుంచి టాలీవుడ్, కోలీవుడ్, మాలీవుడ్, శాండల్ వుడ్ ఏ చిత్ర పరిశ్రమ అయినా వారసత్వం కామనే. తాము చిన్నప్పటి నుంచి చూసిన లైటింగ్, కెమెరాలు, దర్శకులు ఇలా చాలా ముందుగానే తెలియడంతో యాక్టింగ్ వారికి ఈజీ అయిపోతుంది. ఒకప్పుడు స్టార్ హీరోయిన్లుగా ఇండస్ట్రీని కుదిపేసిన తారల కూతుళ్లు ఇప్పుడు వెండితెరపై స్టార్ హీరోయిన్లుగా మారుతున్నారు.
ఇక్కడున్న ఫొటోలోని చిన్నారి ఎవరో తెలిస్తే ఆమె తల్లి గురించి కూడా తెలుసుకోవచ్చు. ఈ ఫొటోలో ఉన్న చిన్నది కీర్తి సురేశ్. అవునండీ నమ్మండి ఇది నిజమే. కీర్తి సురేష్ గురించి తెలుసుకుంటే ఇండస్ట్రీకి వచ్చిన తొలి నాళ్లలోనే బ్లాక్ బస్టర్ సినిమాల్లో హీరోయిన్ గా నటించి మెప్పించింది. ‘నేను శైలజ’తో టాలీవుడ్ లో పాదం మోపిన కీర్తి సురేశ్ ఫస్ట్ మూవీతోనే నటనలో కట్టిపడేసింది. తన తర్వాతి చిత్రం ‘మహానటి’. అలనాటి సావిత్రి జీవిత చరిత్ర ఆధారంగా తీసిన ఈ సినిమాలో అచ్చం సావిత్రిలా నటించి చాలా అవార్డులను అందుకుంది. తర్వాత అంతగా ప్రాధాన్యత ఉన్న సినిమాలు ఆమెకు లభించలేదు. రీసెంట్ గా నానితో ‘దసరా’ తీసింది. శ్రీకాంత్ ఓదెల దర్శకత్వంలో వచ్చిన ఈ సినిమాలో వెన్నెలగా కనిపిస్తుంది కీర్తి సురేశ్.
కీర్తి సురేశ్ తల్లి గురించి తెలుసుకునే ప్రయత్నం చేద్దాం. ఆమె తల్లి పేరు మేనకా సురేష్ కుమార్. ఒకప్పుడు ఆమెకూడా స్టార్ హీరోయినే. తమిళనాడులోని, కన్యాకుమారి, నాగర్ కోయిల్ లో 1963లో జన్మించింది మేనక. అమె అసలు పేరు పద్మావతి. ‘రమాయి వయసుకు వంతుట్ట’ సినిమాతో 1980తో ఇండస్ట్రీలోకి ఎంట్రీ ఇచ్చారు. ఆరు సంవత్సరాలలోనే తెలుగు, తమిళం, కన్నడ, మళయాలం తదితర భాషలతో కలుపుకొని దాదాపు 116 చిత్రాల్లో నటించారు. చిరంజీవి కెరీర్ ను మలుపుతిప్పిన ‘పున్నమినాగు’ సినిమాలో మేనక హీరోయిన్ గా నటించారు. నిర్మాత సురేశ్ కుమార్ ను వివాహం చేసుకున్న ఆమె ఇండస్ట్రీని వీడి వైవాహిక జీవితంలో కొనసాగారు. వీరికి ఇద్దరు కూతుళ్లు కాగా చిన్న కూతురు కీర్తి సురేశ్.