Salute To Mothers Hard Work : మనకు కనిపించే ప్రత్యక్ష దైవం తల్లి. తండ్రి అవసరాలు తీరుస్తాడు. తల్లిదండ్రుల సేవలోనే పిల్లలు పెరిగి పెద్దవుతారు. అడ్డాలనాడు బిడ్డలు కానీ గడ్డాలనాడు కాదని అంటారు. పిల్లలకు ఎల్లవేళలా తోడుండేది మాత్రం అమ్మే. తండ్రి సంపాదిస్తాడు. తల్లి తిండిపెడుతుంది. ఇలా వారి సంరక్షణలో పిల్లలకు నీడ దొరుకుతుంది. ఇందులో ఎవరి ప్రేమ లేకున్నా కష్టమే.
నవమాసాలు మోసి కంటుంది అమ్మ. తన బిడ్డ కోసం సర్వస్వాన్ని త్యాగం చేస్తుంది. పురిటి నొప్పులు పునర్జన్మతో సమానమని తెలిసినా అందులో కూడా తన బిడ్డ క్షేమాన్ని కోరుకుంటుంది. అందుకే చెడ్డ పిల్లలు ఉంటారు కానీ చెడ్డ తల్లి మాత్రం ఉండదు. తల్లి ప్రేమలో కల్మషం ఉండదు. స్వార్థం అసలే ఉండదు. అలాంటి తల్లి పాత్ర ప్రతి ఒక్కరి జీవితంలో ముఖ్యమే.
బిడ్డ కోసం తన ప్రాణాన్ని సైతం లెక్కచేయదు. ఇక్కడ మనకు కనిపిస్తున్న వీడియోలో సరిగా నిలబడలేని తల్లి తన బిడ్డ కోసం కర్రల సాయంతో ఏనుగులా మారడం అక్కడ ఉన్న వారిని కదిలించింది. తన కొడుకు కోసం ఆమె ఆ పాత్ర ధరించడం కోసం సిద్ధమైంది. ఈ విషయం ఆ కుర్రాడికి పెద్దగా తెలియదు. తన అమ్మ ఇంత కష్టపడుతుందని అతడికి ఆలోచన ఉండదు. కానీ అతడి కోరిక మేరకు వీపుపై బాలుడిని ఉంచుకుని ఆమె పడుతున్న తపన చూసి అక్కడున్న వారందరు వేదనకు గురయ్యారు.
దివ్యాంగురాలైన తన సంతానం కోసం ఆమె పడుతున్న కష్టం అక్కడున్న వారిని కదిలించింది. మనసున్న వారందరు ఆ సంఘటన చూసి ఆశ్చర్యపోయారు. తల్లి పడే వేదన చూసి తమ కడుపు తరుక్కుపోయేలా బాధపడ్డారు. పేదరికం నరకమే. కానీ అందులోనే చాలా మంది జీవిస్తుంటారు. చాలీ చాలని సంపాదనతోనే కాలం వెళ్లదీస్తున్నారు. కాలం వారికిచ్చిన శాపం. ఏం చేద్దాం వారి జీవితాలు అంతే.
