Star Heroine : సినిమా హీరోయిన్లంటే మన జనాలకు విపరీతమైన పిచ్చి. తారలంటే అభిమానంతో చచ్చిపోతారు. ఇక కొందరు హీరోయిన్లకైతే స్టార్ హీరోల రేంజ్ ఉందనే చెప్పవచ్చు. వీరి ఇమేజ్ తో సినిమాలే కాదు యాడ్స్ కూడా క్యూ కడుతుంటాయి. ఈ భామలు సినిమాల కంటే యాడ్స్ చేసే బాగా సంపాదిస్తారు. వద్దన్నా వీరిని యాడ్స్ వెతుక్కుంటూ వస్తాయి మరి. నిమిషం కంటే తక్కువ నిడివి గల యాడ్స్ చేసి కోట్లలో సంపాదిస్తున్నారు.
సౌతిండియా ఇండస్ట్రీలో అందరి కంటే ఎక్కువ సంపాదించే హీరోయిన్ నయనతార. దేశంలో అత్యధిక పారితోషికం తీసుకునే హీరోయిన్ కూడా ఈమెనే. ఈ ముద్దుగుమ్మ రీసెంట్ గా 50 సెకన్ల యాడ్ కోసం ఏకంగా రూ.5 కోట్లు వసూలు చేసి, కొత్త బెంచ్ మార్క్ సెట్ చేసింది. ఈ ఫీజుతోనే తెలుస్తుంది ఆమె స్టార్ డమ్ ఎంతుందో..
గత 20 ఏండ్లుగా సౌత్ ను షేక్ చేసిన నయన్..ఇప్పుడు బాలీవుడ్ లోకి కూడా ఎంట్రీ ఇచ్చింది. షారుఖ్ జవాన్ మూవీతో భారీ బ్లాక్ బస్టర్ సొంతం చేసుకుంది. ఈ అందాలభామ ‘మనస్సినక్కరే’ అనే మలయాళ సినిమాతో వెండితెరపైకి ఎంట్రీ ఇచ్చింది. తర్వాత చంద్రముఖి, గజిని..ఇలా ఆమె పయనమంతా మనకు తెలిసిందే.
రీసెంట్ రిపోర్ట్స్ ప్రకారం.. టాటా స్కైతో ఆమె ఒక ప్రాఫిటబుల్ డీల్ కుదుర్చుకుంది. ఈ ఒప్పందం ప్రకారం ఆమె రెండు రోజుల పాటు షూట్ చేసిన మల్టీ-లింగ్యువల్ టాటా స్కై యాడ్ కు అక్షరాలా రూ.5 కోట్లు సంపాదించింది. తమిళం, తెలుగు, మలయాళం, కన్నడ భాషలలో విడుదల అయిన ఈ ప్రకటన దేశంలోని వివిధ భాషలు మాట్లాడే ప్రేక్షకులలో సూపర్ హిట్ అయ్యింది.