Sri Krishna Satya : ప్రేమానంద్ నాట్యాలయం ఆన్యువల్ డే సందర్భంగా వైభవంగా నాట్యోత్సవం నిర్వహించారు. ఆదివారం (అక్టోబర్ 01) రోజున ఎడిసన్ లోని న్యూజెర్సీలో బ్రిడ్జి వాటర్ లోని వేంకటేశ్వర దేవాలయంలో సాయంత్రం 4 గంటలకు శ్రీ సత్య వధ నృత్య రూపకానికి జైస్వరాజ్య టీవీ శ్రేయోభిలాషి, మరియు యూ బ్లడ్ యాప్ ఫౌండర్ డాక్టర్ జై యలమంచిలి గారు ముఖ్య అతిథిగా హాజరయ్యారు. దీంతో పాటు ఆయనే ఈ నృత్య రూపకానికి స్పాన్సర్ గా వ్యవహరించారు.
కొరియోగ్రాఫర్ గా పసుముర్తి వెంకటేశ్వర శర్మ వ్యవహరించగా శ్రీ లక్ష్మి పర్చ అండ్ స్టూడెంట్స్ అభినయించారు. స్క్రిప్ట్ డీవీఎణ్ మూర్తి, సంగీతం డీఎస్వీ శాస్త్రి బాధ్యతలు పంచుకోగా.. డాక్టర్ లక్ష్మీ నందివాడ సమర్పిస్తున్నారు. ముఖ్య అతిథిగా పాల్గొన్న డాక్టర్ జై యలమంచిలి గారు మాట్లాడుతూ ఇలాంటి నృత్య రూపకాలు భారతీయ కళలు, ఆత్మను ప్రతిభింబిస్తాయని అన్నారు. నాట్యం అనేది మనిషిలోని ప్రతీ అవయవాన్ని కదిలిస్తుంది చెప్పారు. చూపరులకు కూడా రసోద్వేగం కలుగుతుంది చెప్పారు.
భారతీయ కళలను దేశ విదేశాల్లో ప్రోత్సహిస్తున్న ‘శ్రీ ప్రేమానంద్ నాట్యాలయం’ ఓనర్ కం టీచర్ శ్రీలక్ష్మీ పర్చ గారిని జగదీష్ గారు ప్రశంసించారు. భారత జాతి కళలను విదేశాలలో ప్రదర్శించడం చూస్తుంటే చాలా ఆనందంగా ఉందన్నారు. అమెరికాలోని భారతీయులు వారి చిన్నారులకు నేర్పించాలని జై గారు చెప్పారు.
All Images (Courtesy by : Dr. Shivakumar Anand)
More Photos : Sri Krishna Satya (Narakasura Vadha) Kuchipudi Dance Ballet PHOTOS
