CM KCR Video Viral : తెలంగాణ శాసన సభకు ఎన్నికలు ప్రారంభమయ్యాయి. ప్రభుత్వ, ప్రతిపక్ష పార్టీలు అస్త్ర శస్త్రాలు సంధించడం మొదలు పెట్టాయి. పోలింగ్ (నవంబర్ 30) కు రోజులు మాత్రమే ఉన్నాయి. ఈ నేపథ్యంలో బీఆర్ఎస్ (టీఆర్ఎస్) పార్టీ 2014 నుంచి తెలంగాణలో గద్దెనెక్కిన తీరుపై వీడియోలు నెట్టింట్లో వైరల్ అవుతున్నాయి.
ప్రస్తుత తెలంగాణ సీఎం, ఒకప్పటి ఉద్యమ లీడర్ కల్వకుంట్ల చంద్రశేఖర్ రావు తెలంగాణ మలి దశ ఉద్యమాన్ని కొంత మేరకు ఉర్రూతలూగించారు. శ్రీకాంతా చారి మరణం తర్వాత కేసీఆర్ ఉపవాస దీక్షకు కూచోవడం తర్వాత పరిణామాలు మనకు తెలిసిందే. అయితే 2014 సమయంలో కేంద్రంలో కాంగ్రెస్ తెలంగాణ రాష్ట్రాన్ని డిక్లేర్ చేసింది. ఆ సమయంలో కేసీఆర్ తన పార్టీ (టీఆర్ఎస్)ని కాంగ్రెస్ లో కలుపుతానని మాట ఇచ్చాడు. ఈ మేరకు తెలంగాణ ఏర్పడిన తర్వాత మాట తప్పుతూ 2014 ఎన్నికల్లో నిలబడి భారీ మెజారిటీతో గెలిచారు.
2014లో ఎన్డీటీవీ ఇంటర్వ్యూలో కేసీఆర్ మాట్లాడిన వీడియో ఇప్పుడు నెట్టింట్లో వైరల్ గా మారింది. సోనియా గాంధీ నేతృత్వంలో తెలంగాణ రాష్ట్రం ఏర్పాటైంది. ఆయన కొడుకు రాహుల్ గాంధీని పీఎం చేసేందుకు మీరు సిద్ధమా అని ఇంటర్వ్యూవర్ ప్రశ్నించగా.. అవును తాను సిద్ధంగా ఉన్నానని, సోనియా గాంధీ రుణం తీర్చుకుంటానని చెప్పారు కేసీఆర్. ఆమె కొడుకు ప్రధాన మంత్రిగా అయ్యేందుకు తన పార్టీ సంపూర్ణ మద్దతు ఇస్తుందని తెలిపారు.
అందుకు అందరం సిద్ధంగా ఉన్నామని తమ పార్టీ మద్దతుతోనే రాహుల్ ప్రధాన మంత్రి అవుతారని అన్నారు. ప్రస్తుతం ఈ వీడియోను చూసిన నెటిజన్లు కేసీఆర్ తీరు గురించి కామెంట్లు పెడుతున్నారు. ఎన్నికల వేల ఈ వీడియో బయటకు రావడంపై బీఆర్ఎస్ నాయకులు ఆగ్రహం వ్యక్తం చేస్తున్నారు.