Kiran Abbavaram Love : కిరణ్ అబ్బవరం అంటే తెలియని తెలుగు ప్రేక్షకులు లేరు.. ఇతడు యంగ్ హీరోగా తనకంటూ ప్రత్యేకమైన ఫాలోయింగ్ ను సొంతం చేసుకున్నాడు. ఇక సినిమా సినిమాకు తన నటన లోని కొత్త టాలెంట్ ను చూపిస్తూ పోతున్న కిరణ్ అబ్బవరం రాజా వారు రాణి గారు సినిమాతో ఎంటర్ అయ్యాడు..
ఈ సినిమాతో ఏకంగా బెస్ట్ డెబ్యూ యాక్టర్ గా సైమా అవార్డు సైతం అందుకున్నాడు. ఇక ఈయన ఒక్కో సినిమాకు గుర్తింపు తెచ్చుకుంటూ పోతున్నాడు. తాజాగా కిరణ్ అబ్బవరం ”రూల్స్ రంజన్” సినిమాతో ప్రేక్షకుల ముందుకు వచ్చాడు. ఇదిలా ఉండగా ఈయన ప్రముఖ హీరోయిన్ రహస్య గోకర్ తో ప్రేమలో ఉన్నాడని న్యూస్ నెట్టింట తెగ వైరల్ అవుతున్నాయి.
రహస్య గోకర్ రాజా వారు రాణి వారు సినిమాతో హీరోయిన్ గా పరిచయం అయ్యింది. ఈ హీరోయిన్ తోనే ప్రేమాయణం సాగిస్తున్నాడు అని టాక్.. ఈ ఏడాది మార్చ్ లో వీరిద్దరు కలిసి ట్రిప్ కు కూడా వెళ్లారు.. ఇటీవల కిరణ్ కొత్త ఇంటి గృహ ప్రవేశ వేడుకలో కూడా ఈ భామ సందడి చేయడంతో ఇద్దరి మధ్య నిజంగానే లవ్ ఎఫైర్ నడుస్తుంది అని అంతా అనుకున్నారు.
ఇక తాజాగా ఈయన మొదటిసారి తన పర్సనల్ లైఫ్ లో లవ్ గురించి ఓపెన్ అయ్యాడు. ‘దావత్’ అనే టాక్ షోలో ఈయన తాజాగా పాల్గొన్నాడు. అషు రెడ్డి హోస్ట్ గా చేస్తున్న ఈ షోలో ఈమె డైరెక్ట్ గానే లవ్ గురించి అడిగింది. రహస్యతో రిలేషన్ లో ఉన్నారా అంటూ అడిగేసింది. అందుకు కిరణ్ లేదు ఉంటే మేమే చెబుతాం కదా అంటూ సమాధానం చెప్పాడు.
కానీ అషు రెడ్డి వదలకుండా మేము అంటే ఇద్దరు ఒకేసారి లవ్ లో ఉన్నట్టు ప్రకటిస్తారా అంటూ అడిగేయగా కిరణ్ తెగ సిగ్గు పడిపోయాడు.. ఎప్పుడు దొరకలేదు.. ఈ షోలో ఇలా దొరికి పోయాను ఏంటి అంటూ సిగ్గు పడుతూ ఆన్సర్ ఇవ్వడంతో నిజంగానే వీరి రిలేషన్ లో ఉన్నట్టు కన్ఫర్మ్ అయ్యింది..
