BB7 Sandeep Remuneration : బిగ్ బాస్ సీజన్ 7 టాప్ కంటెస్టెంట్స్ లో ఒకరిగా ఉన్న ఆట సందీప్ ఎలిమినేషన్ కొద్దిగా నిరాశపరిచింది. అయితే ఆయన 8వారాల్లో అందుకున్న రెమ్యూనరేషన్ చూస్తే వావ్ అనుకోవాల్సిందే.
బిగ్ బాస్ లో గత ఏడు వారాల్లో ఎలిమినేట్ అయిన వారందరూ లేడీ కంటెస్టెంట్సే. ఫస్ట్ వీక్ లో కిరణ్ రాథోడ్ ఎలిమినేట్ కాగా.. తర్వాత షకీలా, దామిని, రతిక, శుభశ్రీ, నయని పావని, పూజమూర్తి..ఒక్కో వారం ఒక్కరు బిగ్ బాస్ హౌజ్ నుంచి బయటకు వచ్చేశారు. శుభశ్రీ, దామిని, రతికలో ఒక్కరి రీఎంట్రీ చాన్స్ ఇచ్చారు. వీరిలో హౌస్ మేట్స్ తిరస్కరించిన రతికకు హౌస్ లో అడుగుపెట్టే అవకాశం దక్కింది.
ఇక 8వ వారానికి ఎనిమిది మంది కంటెస్టెంట్స్ నామినేట్ అయ్యారు. అమర్ దీప్, శివాజీ, అశ్విని, భోలే, ప్రియాంక, శోభ, గౌతమ్, సందీప్ నామినేట్ చేయబడ్డ వారిలో ఉన్నారు. సందీప్ గత ఎనిమిది వారాల్లో మొదటిసారి నామినేట్ అయ్యాడు. ‘పవర్ అస్త్ర’ గెలిచిన సందీప్ కు మొదటి 5వారాల ఇమ్యూనిటీ దక్కింది. ఆరో వారం నామినేట్ కాగా.. గౌతమ్ తనకు బిగ్ బాస్ ఇచ్చిన స్పెషల్ పవర్ తో నామినేషన్స్ నుంచి తప్పించాడు.
7వ వారం సందీప్ కు నామినేషన్స్ లో ఒక ఓటు మాత్రమే పడింది. దాంతో నామినేట్ కాలేదు. 8వ వారం మాత్రమే సందీప్ నామినేట్ అయ్యాడు. శివాజీకి అందరి కంటే అత్యధిక ఓట్లు సంపాదించగా.. డేంజర్ జోన్ లో సందీప్, శోభ ఉన్నారు. అయితే శోభా కంటే సందీప్ కొద్దిగా ముందున్నాడు. దీంతో శోభ ఎలిమినేట్ అవుతుందనే అందరూ అనుకున్నారు. అయితే అనూహ్యంగా సందీప్ పేరు ముందుకొచ్చింది. గౌతమ్, ప్రియాంక, అమర్, అశ్విని, శివాజీ, భోలే.. ఒక్కొక్కరుగా సేవ్ అవుతూ వచ్చారు. చివర్లో సందీప్- శోభ మిగిలిలారు. వీరిలో ఎవరూ ఎలిమినేట్ అవుతారనే ఉత్కంఠ రేగింది.
అందరి ఉత్కంఠకు తెరదించుతూ సందీప్ ఎలిమినేట్ అయినట్టు హోస్ట్ నాగార్జున ప్రకటించారు. దీంతో హౌస్ లో శోభ, తేజ.. కన్నీళ్లు పెట్టుకున్నారు. అయితే సందీప్ గత 8 వారాల గేమ్ కు భారీగానే రెమ్యూనరేషన్ తీసుకున్నట్టు తెలుస్తోంది. వారానికి రూ.2.5లక్షల ఒప్పందంతో.. 8వారాలకు రూ.20లక్షలు అందుకున్నాడని సమాచారం.