Tax To Government : ఈ రోజు వాహనం అనేది నిత్య వస్తువుగా మారిపోయింది. కొంచెం దూరం బస్సులో వెళ్లే ప్రయాణాన్ని అయినా సొంత కారులో వెళ్లాలని కుటుంబం అనుకుటుంది. దీనికి తోడు కార్ల తయారీ కంపెనీలు కూడా సీజన్లు, స్టాక్, పండుగలను బట్టి మంచి మంచి సబ్సిడీలు ఇస్తూనే ఉన్నాయి. ఇంకేముంది ప్రతీ ఇంట్లో ఏదో ఒక మినీ కారు ఉండనే ఉంటుంది. ఈ మధ్య వస్తున్న ఎలక్ట్రిక్ కార్ల వల్ల పెట్రోల్, డీజిల్ భారం తగ్గుతుండడంతో మరింత మధ్య తరగతి వ్యక్తి కూడా ఎలాగోలా కారును కొనుక్కోవాలని ఆలోచిస్తున్నాడు.
ఒక వాహనం తీసుకుంటే దానికి సంబంధించి ప్రభుత్వానికి మనం పన్ను కట్టకతప్పదు. దీంతో పాటు రిజిస్ట్రేషన్ ఫీజు అని, రోడ్ టాక్స్ అనీ ఇవన్నీ కలుపుకొని కారు మోడల్ ప్రైజ్ లోకి వస్తాయి. ఏ మోడల్ ను మనం కొనాలనుకుంటున్నామో ఆ కారుకు సంబంధించి ఎక్స్ షోరూం ధర ఒకటి ఉంటుంది. అంటే షోరూం వరకు ఆ కారును ఆ ధరకు విక్రయిస్తారు. ఇక షోరూం నుంచి బయటకు యజమాని చేతుల్లోకి వెళ్లాలంటే మాత్రం సీజీఎస్టీ (సెంట్రల్) ఎస్ జీఎస్టీ (స్టేట్) తో పాటు కారుపై ఉన్న సెస్ కట్టాలి.
ఉదాహరణకు. ఒక కారు ఎక్స్ షోరూం ధర సుమారుగా రూ. 10 లక్షలు ఉందనుకోండి. అందులో సీజీఎస్టీ 14 శాతం, ఎస్ జీఎస్టీ 14 శాతం, సెస్ కలుపుకొని ఆన్ రోడ్ కు రావాలంటే సుమారుగా రూ. 14 లక్షల వరుక వెళ్తుందన్న మాట. అయితే ఇప్పుడు కంపెనీలు చాలా వరకు లోన్ రూపంలో వాహనాలను ఇస్తున్నారు. దీంతో ఇటు యజమానికి, అటు షోరూంలపై పన్నుల భారం ఎంతో కొంత తగ్గుతుంది. కాబట్టి కారు తీసుకోవాలనుకునే వారు టాక్స్ లను కట్టి తీసుకోవాల్సిందే..