Taapsee : సినిమా ఇండస్ట్రీలో కింది స్థాయి ఆర్టిస్టుల దగ్గరి నుంచి స్టార్ హీరోయిన్ల దాకా చాలామంది కాస్టింగ్ కౌచ్ బాధితురాళ్లు ఉంటారు. ఇందులో ఎలాంటి సందేహాలు అవసరం లేదని గతంలో జరిగిన అనుభవాలే చెబుతున్నాయి. అప్పటి నుంచి ఇప్పటి వరకు ప్రతి ఒక్కరూ కూడా తమ జీవితంలో ఎదర్కున్న కొన్ని చేదు అనుభవాలను బయట పెడుతూనే ఉన్నారు.
ఇప్పుడు తాజాగా తాప్సీ కూడా తన జీవితంలో అనుభవించిన కొన్ని చేదు నిజాలను బయట పెట్టే ప్రయత్నాలు చేసింది. ఆమె ఒకప్పుడు తెలుగులో మంచి అవకాశాలు అందుకుని స్టార్ హీరోయిన్ రేంజ్ కు ఎదిగింది. కానీ తర్వాత కాలంలో ఆమె బాలీవుడ్ కు వెళ్లిపోయి అక్కడే వరుసగా సినిమాలు చేసుకుంటూ ముందుకు దూసుకుపోయేందుకు ప్రయత్నాలు చేస్తోంది.
అయితే తాజాగా ఆమె ఇంటర్వ్యూలో పాల్గొని తనకు ఎదరైన ఓ అనుభవం గురించి చెప్పుకొచ్చింది. నేను సౌత్ ఇండస్ట్రీలో ఉన్నప్పుడు ఎలాంటి ఇబ్బందులు పడలేదు. కానీ బాలీవుడ్ లో మాత్రం అందాలకు మాత్రమే ఇంపార్టెన్స్ ఇవ్వడాన్ని గమనించాను. ఇక్కడ ట్యాలెంట్ కంటే కూడా ఎక్స్ పోజింగ్ కు మాత్రమే బాగా ఇంపార్టెన్స్ ఇస్తూ వస్తున్నారు.
ఆ సమయంలో ఓ డైరెక్టర్ ఓ సినిమా కోసం నా దగ్గరకు వచ్చాడు. సినిమాలో ఓ సీన్ కోసం నన్ను బట్టలు విప్పేసి పడుకోవాల్సి ఉంటుందని చెప్పాడు. కానీ నేను దానికి అస్సలు ఒప్పుకోలేదు. అలాంటి సీన్లలో నటించడం నాకు ఇష్టం లేదని చెప్పేసి ఆ సినిమాను వదులుకునేందుకు కూడా వెనకడుగు వేయలేదు. అలా ముందుకు వెళ్లానని చెప్పుకొచ్చింది తాప్సీ.