Population : రాను రాను జనాభా తగ్గుతుండడంతో జపాన్ తల పట్టుకుంటోంది. జనాభా లేకపోవడంతో ఇళ్లు ఖాళీగా దర్శనమిస్తున్నాయి. 2018లో నిర్వహించిన సర్వేతో 2023లో నిర్వహించిన సర్వేతో పోలిస్తే ఖాళీ ఇళ్ల సంఖ్య అర మిలియన్ కంటే ఎక్కువ ఉందని ప్రభుత్వ గణాంకాలు చెప్తున్నాయి. జనాభా క్షీణత ఒక కారణం అయితే.. గ్రామీణ జనాభా నగరాలకు మారడం మరో కారణం.
ప్రపంచంలో ప్రస్తుతం భారత్ జనాభాలో మొదటి స్థానంలో ఉంది. వనరులు సరిపోకపోవడంతో ప్రజలు ఇబ్బందులు పడుతున్నారు. ఇండియాలో ముఖ్యంగా ఇళ్లు నిర్మించుకునేందుకు స్థలం కూడా దొరకడం లేదు. అయితే, ప్రతీ దేశంలో ఇలానే ఉండదు. ఎందుకంటే.. ప్రతీ దేశంలో ఇదే పరిస్థితి కినిపించడం లేదు. గతంలో జనాభా పరంగా ఫస్ట్ ప్లేస్ లో ఉన్న చైనా.. రాను రాను జనాభా తగ్గుతూ వస్తోంది. దీంతో పాటు దక్షిణ కొరియాలో కూడా ఇదే పరిస్థితి కనిపిస్తుంది. ఇలా జనాభా తగ్గుతుండడంతో కొన్ని దేశాలు ఇబ్బందులు పడుతున్నాయి. జపాన్‌లో నిరంతరం తగ్గుతున్న జనాభా ఆదేశానికి పెద్ద ముప్పుగా మారబోతోంది. జనాభా లేకపోవడంతో ఇక్కడ ఖాళీగా ఉండే ఇళ్ల సంఖ్య పెరుగుతోంది.
2018 సర్వే కంటే అక్టోబర్, 2023 సర్వే నాటికి ఖాళీగా ఉన్న ఇళ్ల సంఖ్య అర మిలియన్ కంటే ఎక్కువ పెరిగింది. జపాన్‌లో ఖాళీగా ఉన్న ఇళ్లను ‘ఐకియా’ అంటారు. జనాభా తగ్గడంలో రెండు కారణాలు ఉన్నాయి.
ఇళ్లు ఎందుకు ఖాళీగా ఉన్నాయి?
జపాన్‌లో ‘ఐకియా’ గృహాలు పెరుగుతున్నాయి. ఇవి చాలా పాత ఇళ్లు. ఈ ఇంటి యజమానులు తమ నివాసాలను వదిలి ఇతర నగరాలకు మారినందున శిథిలమయ్యాయి. యజమానులు కూడా వాటికి మరమ్మతు చేయించడం.. లేదంటే కూల్చివేసేందుకు ఇష్టపడడం లేదు. ఈ సమస్య గ్రామాలు, నగరాల్లో కూడా ఉందని తెలుస్తోంది.
