Vaishnavi Chaitanya : బేబీ సినిమా హిట్ తో హీరోయిన్ వైష్ణవి చైతన్య పేరు గత కొద్దీ రోజులుగా ప్రేక్షకుల నోళ్ళలో నానుతూనే ఉంది.. ఈ సినిమాతో ఈమె ఎనలేని క్రేజ్ సంపాదించు కుంది.. చిన్న సినిమాగా తెరకెక్కి సెన్సేషనల్ క్రియేట్ చేస్తుంది.. యంగ్ డైరెక్టర్ సాయి రాజేష్ దర్శకత్వంలో తెరకెక్కిన ఈ సినిమాలో ఆనంద్ దేవరకొండ, వైష్ణవి చైతన్య హీరో హీరోయిన్లుగా నటించారు.
హీరో కంటే కూడా హీరోయిన్ కు మాములుగా క్రేజ్ దక్కలేదు.. ఒక్క సినిమాతో ఓవర్ నైట్ స్టార్ అయిపోయిన ఈ బ్యూటీ అంటే యూత్ కు ఎనలేని క్రేజ్ వచ్చింది. దీంతో ఎక్కడ విన్న ఈమె పేరునే వినిపిస్తుంది. అయితే ఇప్పుడు అంతగా పొగుడుతున్నారు కానీ ఈమెకు హీరోయిన్ గా ఛాన్స్ అంత ఈజీగా రాలేదని ఎన్నో కష్టాలను ఎదుర్కొన్నట్టు ఆమె చెబుతుంది..
ముందుగా టిక్ టాక్ వీడియోలతో ఫేమస్ అయిన ఈ బ్యూటీ ఆ తర్వాత షార్ట్ ఫిలిమ్స్, కవర్ సాంగ్స్ తో వెబ్ సిరీస్ లాంటివి చేస్తూ ఎంతో మంది అభిమానులను సొంతం చేసుకుంది. తాజాగా ఈ భామ ఇంటర్వ్యూలో పాల్గొని మాట్లాడుతూ.. పదవ తరగతి నుండే కుటుంబ భారాన్ని తీసుకున్నాను.
ఆ సమయంలో డాన్స్ మాత్రమే తెలియడంతో ఏ ఈవెంట్ అయినా డాన్స్ చేసి అలా వచ్చిన డబ్బులతో ఇంట్లో సామాన్లను తెచ్చుకునే వాళ్ళం.. ఒక్క రోజు డాన్స్ చేస్తే 700 వచ్చేవి.. యూట్యూబ్ కోసం వీడియోలు చేసే సమయంలో డ్రెస్ చేంజ్ చేసుకుందామంటే స్పెషల్ రూమ్ లేక వాష్ రూమ్ లోకి వెళ్లి అక్కడే ఛేంజ్ చేసుకునే దాన్ని.. అది చూసి అమ్మ బాగా ఏడ్చేసింది.. ఇదంతా వదిలెయ్యి అనేది.. కానీ నేను ఫిక్స్ అయ్యా ఏదైనా సాధించాలని గట్టిగా అనుకున్న.. అంటూ అప్పటి కష్టాలను చెప్పుకొచ్చింది.