Vaishnavi Chaitanya :
టాలీవుడ్లో తెలుగు హీరోయిన్లు ఎంతమంది ఉన్నారంటే వేళ్లపై లెక్కపెట్టవచ్చు. అందులోనూ యంగ్ హీరోయిన్ల కొరత మరీ ఎక్కువగా ఉంది. తెలుగు హీరోయిన్లకు ఒకరిద్దరు డైరెక్టర్లు ఆఫర్లు ఇచ్చినా సినిమా ఆడకపోవడమో.. లేదంటే గ్లామర్ చూపించకపోవడం కారణంగా ఆ తర్వాత వారికి ఛాన్సులు రాకుండా పోతున్నాయని ఇండస్ట్రీ టాక్ వినిపిస్తోంది.
ఇటీవలి కాలంలో తెలుగు హీరోయిన్లు సైతం గ్లామర్ చూపించడంతో పాటు నటనతోనూ ఆకట్టుకుంటున్నారు. తెలుగమ్మాయిగా గుర్తింపు తెచ్చుకుంటున్న శ్రీ లీల ప్రస్తుతం స్టార్ హీరోయిన్ రేంజ్ కి ఎదిగింది. ఒకే ఒక్క హిట్టుతో బిజీ హీరోయిన్ గా మారింది. స్టార్ హీరోల పక్కన ఛాన్సులు దక్కించుకుంటూ జెట్ స్పీడుతో సినిమాలు చేస్తూ ముందుకెళుతోంది.
మరోవైపు వైష్ణవి చైతన్య సైతం టాలీవుడ్లో ఎక్కువ కాలం కొనసాగేందుకు ప్లాన్ చేస్తోంది. వెబ్ సిరీసులతో యూత్ క్రేజ్ సంపాదించుకున్న వైష్ణవి చైతన్య తెలుగులో పలు సినిమాల్లో కన్పించింది. చిన్న రోల్ వచ్చిన దానిని సద్వినియోగం చేసుకుంటూ వెళ్లింది. ఇక ఆమె నటించిన ‘బేబీ’ మూవీ చిన్న సినిమాగా విడుదలై టాలీవుడ్లో బ్లాక్ బస్టర్ హిట్టుగా నిలిచింది.
ఈ సినిమా తర్వాత వైష్ణవి చైతన్య క్రేజ్ అమాంతం పెరిగిపోయింది. పలువురు డైరెక్టర్లు.. నిర్మాతలు ఆమెతో సినిమా చేసేందుకు ఆఫర్లు ఇచ్చారు. అయితే వైష్ణవి ఏమాత్రం తొందరపడకుండా కథ నచ్చితేనే సినిమాలకు గ్రీన్ సిగ్నల్ ఇస్తుంది. క్రేజ్ వచ్చింది కదా? అని ఏది పడితే అది ఒప్పుకోకుండా కెరీర్ ఎక్కువ కాలంగా ఉండేలా జాగ్రత్త పడుతుంది.
‘బేబీ’ తర్వాత ఆమె ఒప్పుకున్న సినిమాలను బట్టి చూస్తే ఈ విషయమే అర్థమవుతోంది. ‘బొమ్మరిల్లు’ భాస్కర్ డైరెక్షన్లో సిద్ధు జొన్నలగడ్డ హీరోగా తెరకెక్కనున్న సినిమాలో వైష్ణవి హీరోయిన్ గా నటించనుంది. ఈ సినిమాను అగ్ర నిర్మాతల్లో ఒకరైన బీవీఎస్ఎన్ ప్రసాద్ నిర్మిస్తున్నారు.
