ఈరోజు అమెరికా మాజీ అధ్యక్షుడు డొనాల్డ్ ట్రంప్ మన్ హటన్ జ్యురీ హాజరు కానున్నాడు. హాష్ మనీ చెల్లింపుల కేసులో తీవ్ర ఆరోపణలు ఎదుర్కొంటున్నాడు ట్రంప్. పోర్న్ స్టార్ స్టార్మీ డేనియల్స్ తో తన ఎఫైర్ ను కప్పి పుచ్చేందుకు భారీగా నగదు చెల్లించినట్లుగా తీవ్ర ఆరోపణలు ఎదుర్కొంటున్న విషయం తెలిసిందే. విచారణ తంతు కేవలం 15 లేదంటే 20 నిమిషాల్లోనే పూర్తి అవుతుందని , ఆ తర్వాత కోర్టు నుండి బయటకు వచ్చి తన అభిమానులను ఉద్దేశించి మాట్లాడనునట్లు తెలుస్తోంది.
ఇక విచారణ చేస్తున్న జడ్జి పై ట్రంప్ తీవ్ర విమర్శలు చేసాడు. ఈ కేసు నాపై కక్ష్య పూరితంగా పెట్టిన కేసు. ఇక ఈ కేసును విచారిస్తున్న జడ్జికి నేనంటే విపరీతమైన ద్వేషం. నన్ను తీవ్రంగా వ్యతిరేకించే జడ్జిని ఏరికోరి విచారణ అతడి చేతిలో పెట్టారని బైడెన్ ప్రభుత్వంపై తీవ్ర విమర్శలు చేసాడు. జడ్జి ముందు హాజరయ్యే సమయంలో జడ్జి పై తీవ్ర విమర్శలు చేయడం సంచలనంగా మారింది.
