Lokash VS JRNTR :ఈ మధ్య సినిమా, పొలిటికల్ స్టార్ల జ్యోతిష్యం గురించి తెలుసుకోవాలనే క్యూరియాసిటీ సాధారణ వ్యక్తులకు కలుగుతుంది. దీంతో వారి జ్యోతిష్యం గురించి చెప్పే వారు కూడా ఫేమస్ అవుతున్నారు. ఇండస్ట్రీలోని స్టార్ హీరోలు, హీరోయిన్ల జీవితాలలో ముఖ్య ఘట్టాలను మందే చెప్పిన జ్యోతిష్యుడు వేణు స్వామి గురించి మనందరికీ తెలిసిందే. అయితే రీసెంట్ గా మరో జ్యోతిష్యుడు పీవీఆర్ నరసింహారావు పొలిటికల్, సినిమా స్టార్ జాతకాలను వివరించాడు. ఇప్పుడు ఆయన మాటలు వైరల్ అయ్యాయి. పీవీఆర్ నరసింహారావును ఐఐటీ విద్యార్థిగా, అమెరికాలో ఇంజినీరింగ్ మేనేజర్ గా, వేద జ్యోతిష్కుడిగా సంస్కృత పండితుడుగా, తత్వవేత్త, ఫైర్ యోగిగా గుర్తింపు సంపాదించుకున్నారు.
జూనియర్ ఎన్టీఆర్, నారా లోకేశ్ రెండు భిన్న ధ్రువాలు. కానీ బంధువులు. ఒకరు సినిమా ప్రపంచంలో స్టార్ గా ఎదిగితే.. మరొకరు ఇప్పుడిప్పుడే పొలిటికల్ లోకి వస్తున్నారు. వీరిద్దరి జీవితాల్లో జరగబోయే విషయాల గురించి ప్రముఖ జ్యోతిష్కుడు పీవీఆర్ నరసింహారావు ట్విట్టర్ వేదికగా పంచుకున్నారు. జూనియర్ ఎన్టీఆర్ జాతకాన్ని ఆయన తండ్రికి అత్యంత సన్నిహితుడైన వ్యక్తి నుంచి ఎప్పుడో తీసుకున్నాను. నారా లోకేశ్ జాతకం మాత్రం ఈ మధ్యనే తనకు అందిందని చెప్పాడు పీవీఆర్ నరసింహా రావు. ఇద్దరి జాతకాలను సరిపోలిస్తే కొన్ని విస్తుపోయే విషయాలు తెలిశాయని ఆయన చెప్పారు.
నారా లోకేశ్ కొందురు అనుకుంటున్నట్లుగా పప్పు కాదు. చాలా తెలివైనవాడు, కానీ స్ట్రీట్ స్మార్ట్ కాదు. అంతేకాక, అతనికి పెద్దగా అడ్డుగా ఉంది అహమే, ఇదే ఆయనకు అతిపెద్ద శత్రువు! ఎమోషనల్ ఇంటెలిజెన్స్, సాఫ్ట్ స్కిల్స్ లో చాలా పేలవంగా ఉంటాడు. వచ్చే పదేళ్లలో ఆయన సీఎం అయ్యే అవకాశం ఏ మాత్రం లేదు. ఆయన, జూనియర్ ఎన్టీఆర్ తో ఎప్పటికీ కలవరు. వారి లగ్నాలు సింహ మరియు మకరాలు ఎల్లప్పుడూ విభేదాలు కలిగి ఉంటారు.
ఇక జూనియర్ ఎన్టీఆర్ విషయానికి వస్తే చాలా తెలివైనవాడు, ప్రాపంచిక జ్ఞాని, చాలా ఉన్నత భావోద్వేగ తెలివితేటలు, అద్భుతమైన నాయకత్వ లక్షణాలు ఆయనకు ఉన్నాయి. అతనికి కూడా అహం ఉంటుంది. కానీ దాన్ని ఎలా నియంత్రించుకోవాలో ఆయనకు తెలుసు. అలాగే, రాబోయే సంవత్సరాల్లో ఆయన రాజకీయ పరిజ్ఞానాన్ని పెంపొందించుకుంటారు. రాబోయే దశాబ్ద కాలంలో ప్రజల్లో ఆయన పాపులారిటీ విపరీతంగా పెరుగుతుంది. దాన్ని తన తాత ఎన్టీఆర్ గారిలా రాజకీయ విజయంగా మలచుకోవడంలో ఆయన సక్సెస్ సాధిస్తాడు. వచ్చే 15 ఏళ్లలో ఆయన ఖచ్చితంగా రాజకీయ విజయాన్ని, అధికారాన్ని అనుభవిస్తారు. కానీ ప్రస్తుత ఎన్నికల చక్రంలో కాదు. ఇంకా టైముంది.