ఆదిపురుష్ సినిమాపై వివాదాలు కొనసాగుతూనే ఉన్నాయి. విడుదలకు ముందే వివాదాలకు కేంద్రంగా మారిన సినిమాపై సీనియర్ దర్శకుడు హరీష్ శంకర్ స్పందించారు. ఆదిపురుష్ లో అభ్యంతరాలు ఉంటే సెన్సార్ వాళ్లే చూసుకుంటారు. దీనికి ఎవరు కూడా స్పందించాల్సిన అవసరం లేదు. ఆదిపురుష్ సినిమా విజువల్ ఎఫెక్ట్స్ తో తీయడంతో కొన్ని విషయాల్లో పద్ధతులు పాటించడం కుదరదు.
అంతేకాని అనవసర పోస్టింగులు పెట్టడం సమంజసం కాదని హరీష్ శంకర్ కౌంటర్ ఇచ్చాడు. సామాజిక మాధ్యమాలను ఆసరాగా చేసుకుని ఇలాంటి చీప్ ట్రిక్స్ చేయడం బాగా లేదని హితవు పలికాడు. సినిమా నిర్మించడమంటే మాటలు కాదు. దానికి చాలా సహనం కావాలి. ఎన్నో విషయాలు ఆలోచించాలి. అందరు సహకరిస్తేనే సినిమా పూర్తవుతుంది. ఈ విషయాలు తెలియని వారు ఇలా విమర్శలు చేస్తుంటారు.
రామానంద సాగర్ తెరకెక్కించిన రామాయణం సిరీస్ అద్భుతమైన ప్రాచుర్యం పొందింది. 90వ దశకంలో ప్రసారమైన ఇది చరిత్రలో నిలిచిపోయింది. సోషల్ మీడియా హ్యాండిల్ ఆ టీవీ సిరీస్ దృశ్యాలను పోస్టు చేస్తూ దీనికి ఏదీ సాటి రాదు అంటూ కామెంట్లు పెట్టడంపై హరీష్ మండిపడ్డారు. నోరుంది కదా అని విమర్శిస్తే ప్రతిదాన్ని విమర్శించొచ్చు. కానీ దానికి వారు ఎంత కష్టపడ్డారో తెలిస్తే అలా చేయరు.
రామాయణ్ విషయంలో ఎవరికి అనుమానం రాలేదు. కానీ ఆదిపురుష్ రిలీజ్ కు ముందు ఇలాంటి పోస్టులు పెట్టడం బాధాకరమని ఆవేదన వ్యక్తం చేశారు. సనాతన ధర్మంలో భాగంగానే సినిమా నిర్మించారని దాని మీద కూడా విమర్శలు చేయొద్దని హితవు పలికారు. హరీష్ శంకర్ చేసిన కౌంటర్ ప్రస్తుతం వైరల్ గా మారింది. ఆదిపురుష్ గురించి ఇలాంటి పోస్టులు సరైనవి కావని చెబుతున్నాడు.
 |
ReplyForward
|
