Super Star Mahesh bAbu : సూపర్ స్టార్ మహేష్ బాబు సర్కారు వారి పాట వంటి ఘన విజయం తర్వాత తన 28వ సినిమాను త్రివిక్రమ్ శ్రీనివాస్ దర్శకత్వంలో చేస్తున్న విషయం తెలిసిందే.. ఈ సినిమాకు ఇటీవలే ”గుంటూరు కారం” అనే టైటిల్ ను అనౌన్స్ చేయడమే కాకుండా.. మే 31న కృష్ణ గారి జయంతి సందర్భంగా గ్లింప్స్ అండ్ టైటిల్ ను రిలీజ్ చేయగా అదిరిపోయే రెస్పాన్స్ దక్కించుకుంది.
ఫస్ట్ గ్లింప్స్ టీజర్ లో మహేష్ లోని సరికొత్త యాంగిల్ ను ఫ్యాన్స్ కు చూపించాడు త్రివిక్రమ్.. వచ్చే ఏడాది జనవరి 13న ఈ సినిమా రిలీజ్ కానున్నట్టు ఇప్పటికే మేకర్స్ అనౌన్స్ చేసారు.. అయితే సంక్రాంతికి ఈ సినిమా వచ్చే ఛాన్స్ లేదని తాజాగా సమాచారం అందుకుంది.. ఇప్పటి వరకు కేవలం 10 శాతం షూటింగ్ మాత్రమే పూర్తి చేసుకున్న ఈ సినిమా తదుపరి షెడ్యూల్ ఎప్పుడు స్టార్ట్ అవుతుందో చెప్పలేని పరిస్థితి ఏర్పడింది.
జూన్ 2నే కొత్త షెడ్యూల్ స్టార్ట్ అవుతుంది అని వార్తలు రాగా ఇప్పటి వరకు షూట్ స్టార్ట్ కానే లేదు.. మహేష్ సమ్మర్ లో షూట్ చేయనని చెప్పి విదేశాలకు చెక్కేసినట్టు అప్పట్లో వార్తలు వైరల్ కాగా అందులో నిజం లేదని నిర్మాత నాగ వంశీ క్లారిటీ ఇచ్చాడు. మరి షూట్ ఆగిపోయి రెండు నెలలు అవుతున్న ఈ సినిమా కొత్త షెడ్యూల్ వాయిదా పడుతూనే వస్తుంది.
దీంతో అప్పట్లో వచ్చిన రూమర్స్ నిజమేనేమో అనే అంటున్నారు. మరి ఇంత ఆలస్యంగా షూట్ సాగితే వచ్చే సంక్రాంతికి కాదు కదా సమ్మర్ రిలీజ్ కూడా కష్టమే అంటున్నారు.. మరి ఈ సినిమా పరిస్థితి ఏంటో ముందు ముందు తెలుస్తుంది. ఇక శ్రీలీల, పూజా హెగ్డే హీరోయిన్ గా నటిస్తుండగా.. జగపతి బాబు విలన్ గా నటిస్తున్నాడు. అలాగే హారిక హాసిని బ్యానర్ పై ఈ సినిమాను నిర్మిస్తుండగా.. థమన్ సంగీతం అందిస్తున్నాడు.
