Anasuya Bharadwaj : ఈ మధ్య కాలంలో కాస్టింగ్ కౌచ్ మీద ప్రతీ ఒక్కరు నోరు విప్పుతున్నారు. ఇది వరకు ఇలాంటివి బయటకు చెబితే ఛాన్సులు రాకుండా చేస్తారేమో అని బయటపడేవారు.. కానీ ఇప్పుడు అలా కాదు కాస్టింగ్ కౌచ్ గురించి బయటకు చెప్పడం కామన్ అయిపొయింది.. మీటూ ఉద్యమం తర్వాత ఈ కాస్టింగ్ కౌచ్ గురించి ఒక్కొక్కరిగా బయటకు వస్తున్నారు..
ఒక్కో హీరోయిన్ ఈ కాస్టింగ్ కౌచ్ మీద ఒక్కోలా కామెంట్స్ చేస్తూ నెట్టింట వార్తల్లో నిలుస్తున్నారు. ఇక తాజాగా స్టార్ యాంకర్ అండ్ నటి అనసూయ కూడా కాస్టింగ్ కౌచ్ మీద తనదైన శైలిలో కామెంట్స్ చేయగా అవి ఇప్పుడు వైరల్ అవుతున్నాయి. స్టార్ యాంకర్ గా అనసూయ క్రేజ్ గురించి చెప్పాల్సిన పని లేదు.. ఈమె ఫాలోయింగ్ రోజురోజుకూ పెరుగుతుంది తప్ప తగ్గడం లేదు.
అయితే ఇప్పుడు పూర్తిగా యాంకరింగ్ కు గుడ్ బై చెప్పేసి కేవలం సినిమాల మీదనే ఫోకస్ పెట్టి బిగ్ స్క్రీన్ మీద కూడా తన హవా కొనసాగించాలని అనసూయ తహతహ లాడుతుంది. ఏ పాత్రలో అయినా నటించి అందాల విందు చేయాలని ఫిక్స్ అయ్యి గ్లామర్ రోల్స్ కూడా చేస్తుంది.. అందుకే ఈమెకు మాస్ ఫాలోయింగ్ బాగా పెరిగి పోతుంది.
ఇదిలా ఉండగా ఈమె ఏ విషయాన్నీ అయినా ముక్కుసూటిగా నాన్చకుండా చెబుతుంది. తాజాగా కాస్టింగ్ కౌచ్ మీద మాట్లాడుతూ ”నేను కూడా కాస్టింగ్ కౌచ్ ఫేస్ చేశాను.. నన్ను కమిట్మెంట్ ఇవ్వకపోతే ఛాన్సులు ఇవ్వము అని చెప్పారు.. రెండేళ్లు నాకు ఛాన్సులు రాలేదు.. అయినా నేను వాటికీ లొంగకుండా నా టాలెంట్ మీద నమ్మకంతో ఈ స్థాయికి వచ్చాను” అంటూ.. ఈమె చేసిన కామెంట్స్ వైరల్ అవుతున్నాయి.
